قالانىڭ كەز كەلگەن تۇرعىنى وسى جەرگە كەلىپ, جاعدايى تومەن نەمەسە ءۇيسىز-كۇيسىز جۇرگەن جاندارعا ازىق-ت ۇلىك قالدىرۋىنا بولادى. «بۇگىن ۇيگە ازىق-ت ۇلىك ساتىپ الدىم, سونشا مولشەردەگى ازىق-ت ۇلىكتى «قايىرىمدىلىق سورەسىنە» قالدىرۋدى ءجون دەپ ۇيعاردىم. ءبىزدىڭ ماقساتىمىز – قوعامنىڭ نازارىن اينالامىزداعى مەيىرىمگە, جاردەمگە مۇقتاج ادامدارعا اۋدارۋ, قيىندىق كورىپ جۇرگەن جاندارعا قول ۇشىن سوزۋ. ەگەر بۇل اكتسيا حالىق اراسىندا كەڭ قولداۋ تاپسا, مۇنداي سورەلەر قالانىڭ بارلىق دۇكەندەرىندە پايدا بولادى», - دەيدى يگى جوباعا ءبىرىنشى بولىپ ءوز ۇلەسىن قوسقان قالا اكىمى قۋات تۇماباەۆ.
شاھار جۇرتشىلىعى قايىرىمدىلىققا, مەيىرىمدىلىككە شاقىراتىن شارانى جىلى قابىلداعان سىڭايلى. بەس بالانىڭ اناسى اسەم تىلەۋبەرديەۆا بۇل اكتسيانىڭ اسىرەسە كوپبالالى وتباسىلارعا ءبىرشاما جاردەم بولاتىنىن ايتادى. «دۇكەنگە كەلىپ, تاڭدانىپ تۇرعان جايىم بار. كۇنباعىس مايى مەن قۇمىقتى تەگىن الدىم دەسەم دە بولادى. مۇنىڭ ءوزى اجەپتاۋىر كومەك قوي. بالالارعا كيىم ساتىپ الساڭ, ازىق-ت ۇلىككە اقشاڭ دا قالمايدى. سوندىقتان وسىنداي سورەلەردى قالانىڭ ءار جەرىندە اشىپ قويسا دا, ارتىق بولمايدى دەپ ويلايمىن», - دەيدى ول.
ازامات قاسىم,
«ەگەمەن قازاقستان»
وسكەمەن
