سول كۇننەن باستاپ قوعام بۇل ماسەلەنى ءار قىرىنان, ءار دەڭگەيدە تالقىلاپ كەلەدى. تالقىلاۋ بارىسىندا كەيبىر پىكىرلەردى ەسەپتەمەگەندە, جالپى حالىقتىڭ لاتىن الىپبيىنە كوشۋگە ىقىلاستى ەكەنىن ۇقتىق. ەل مەن ۇلت تاعدىرىنا, ءتىل تاعدىرىنا الاڭداۋلى ازاماتتاردىڭ كوپتىگىنە كوڭىل مارقايدى. لاتىن گرافيكاسىنا كوشۋ ارقىلى تاۋەلسىزدىكتى باياندى ەتۋگە, وركەنيەتتى ەلدەردىڭ قاتارىنا قوسىلۋعا ق ۇلىقتىلىق رۋحاني جاڭعىرۋعا قوعامنىڭ دايىن ەكەنىن كورسەتىپ بەردى.
ارينە, قازاق دالاسىندا لاتىن ءالىپبيى بۇعان دەيىن دە قولدانىلعان. 1928-40 جىلدارى پايدالانىلعان بۇل ءالىپبيدىڭ عۇمىرى قىسقا بولعانىن, سوڭىرا كەڭەس وكىمەتىنىڭ كۇشتەۋ ساياساتىمەن كيريلل الىپبيىنە اۋىسقانىمىزدى ەلدىڭ كوبى بىلەدى. تاۋەلسىزدىكتىڭ شيرەك عاسىرىندا جازۋدى اۋىستىرۋ قاجەتتىلىگى ابدەن ءپىسىپ-جەتىلدى. ونى كوپ سوزۋعا بولمايتىنىن ۋاقىتتىڭ ءوزى دالەلدەپ وتىر. بۇل ورايدا ەلباسى ن.نازارباەۆتىڭ ەڭبەگىن ەرەكشە اتاپ ءوتۋ قاجەت. ول لاتىن الىپبيىنە كوشۋ يدەياسىن ءوزى باستاپ «قازاقستان-2050» ستراتەگياسىندا ايتقان بولاتىن. اراعا بەس جىل سالىپ سونى ورىنداۋعا بەل شەشە كىرىسىپ وتىر. قازاق جازۋىن لاتىن الىپبيىنە كوشىرۋدى – ەلباسىنىڭ تاريحي شەشىمى دەپ باعالايمىن. بۇل تاريحي شەشىم ارقىلى عىلىم مەن اقپارات, مادەنيەت سالالارىندا ۇلكەن جەتىستىكتەر ورىن الاتىنىنا سەنىمىم مول. حالقىمىزدىڭ العىرلىعى, عىلىم-بىلىمگە قۇشتارلىعى لاتىن ءالىپبيىن تەزىرەك يگەرۋگە دە سەپتىگىن تيگىزەدى دەپ ويلايمىن.
سەرىك نەگيموۆ,
قازاقستاننىڭ ەڭبەك سىڭىرگەن قايراتكەرى, فيلولوگيا عىلىمدارىنىڭ دوكتورى, پروفەسسور
