«نازارباەۆ ۋنيۆەرسيتەتى» دببۇ پرەزيدەنتى شيگەو كاتسۋ تالداۋ مەن سارالاۋ قابىلەتى زور جانە جەكە تۇلعا رەتىندە كوممۋنيكاتيۆتى, زياتكەرلىك داعدىلارعا يە ادام قالىپتاستىرۋ ءۇشىن ءبىلىم قۇندىلىقتارىنىڭ باسىمدىققا يە ەكەنىن جەتكىزدى.
– بۇل ءبىلىم الۋشىلار مەن وتباسى تاراپىنان وزىندىك ءبىر تارتىپكە باعدارلانۋدى, بارلىق ماسەلەنى جۇمىلا قاراستىرۋدى تالاپ ەتەدى. ءبىز وسى قۇندىلىقتار ارى قاراي دامۋى ءۇشىن بالالارعا ايرىقشا سەرپىن بەرۋىمىز كەرەك. وسىعان وراي ءتۇرلى تەحنولوگيالىق-يننوۆاتسيالىق ادىستەمەلەر ارقىلى بالالاردى شىنايى ومىرگە دايىنداۋىمىز, ولاردىڭ وركەندەۋىن قامتاماسىز ەتۋ ءۇشىن ەتيكالىق, رۋحاني تاربيە جاعىنا دا زەر سالۋ كەرەك. وقۋشىلاردىڭ سانا-سەزىمىنە عانا ىقپال ەتىپ قويماي, جۇرەكتەرىنە جول تابا ءبىلۋ كەرەك, – دەدى ول.
ۋنيۆەرسيتەت باسشىسىنىڭ ايتۋىنشا, ءبىلىم الۋشى جاس قوعامداعى ءوز ورنىن تاۋىپ, قازاقستاننىڭ دامۋىنا سۇبەلى ۇلەس قوسۋى ءۇشىن بارشا سالانى قامتىعان يننوۆاتسيانى مەڭگەرۋى ءتيىس. ويتكەنى ءتۇرلى سالاداعى قىزمەت اقىلدى ماشينالار, وزىق قۇرال-جابدىقتار سياقتى جاڭا ءادىس-تاسىلدەر مەن تەحنولوگيانى تالاپ ەتەدى. قازىرگى زەرتتەۋلەر ادامزاتقا تيەسىلى جۇمىستىڭ جارتىسىن جاقىن بولاشاقتا جاساندى ينتەللەكت جۇيەسى ورىندايتىنىن بولجايدى. ش.كاتسۋ كەلەشەكتە تسيفرلاندىرۋ ۇدەرىسى ەكونوميكاداعى جاڭا سەرپىلىسكە الىپ كەلەتىنىن, ونىڭ جاڭا مۇمكىندىكتەر مەن سىن-تەگەۋرىندەرگە تولى بولاتىنىن اتاپ ايتتى. سونداي-اق قازىرگى الدىن الا بولجانا بەرمەس اۋقىمدى وزگەرىستەردىڭ ادامزات ومىرىنە ىقپال ەتەتىندىگىن, ونىڭ شەشىمىن تابۋدا ءبىلىم قۇندىلىقتارى مەن يننوۆاتسيانىڭ ماڭىزى زور ەكەنىن جەتكىزدى. ء«بىلىم بەرۋ ينستيتۋتتارى قوعامداعى جىلدام وزگەرىستەرگە دەن قويا ءبىلۋى ءتيىس. تۇلەكتەرگە ارنايى سۇرانىس بولۋى ءۇشىن ورتا ءبىلىم وقۋ ورىندارىنىڭ تۇلەكتەرىنە دەيىن وزگەرىسكە يكەمدى بولۋى كەرەك» دەدى ش.كاتسۋ.
كونفەرەنتسيا جۇمىسى ەسىمدەرى الەمگە تانىس سينگاپۋرلىق ون سەن تان, امەريكالىق پاسي سالبەرگ, فرانتسيالىق يۋري بەلفالي, كانادالىق گوردون نيۋفەلد سياقتى بەلدى سپيكەرلەردىڭ دارىستەرىمەن باستالىپ, ءارتۇرلى فورماتتاعى پرەزەنتاتسيالار مەن پانەلدىك پىكىرتالاستارعا, پوستەر-سەسسيالارعا, دوڭگەلەك ۇستەلدەرگە جالعاستى. سونداي-اق ءبىلىم بەرۋ رەسۋرستارىنىڭ كورمەسى ۇسىنىلدى. ال «رۋحاني جاڭعىرۋ» باعدارلاماسىنا پارلامەنت دەپۋتاتتارىنىڭ قاتىسۋىمەن ارنايى ءبولىم ۇيىمداستىرىلدى.
دۋمان اناش,
«ەگەمەن قازاقستان»
