تەكسەرۋ كەزىندە وبلىس əكىمى ورمان شارۋاشىلىعى مەن جانۋارلار دۇنيەسى اۋماقتىق ينسپەكتسياسىنىڭ بەكەتىن, جايىق وزەنىندەگى شەكارا قىزمەتىن ارالادى. ءوڭىر باسشىسىن ماتەريالدىق-تەحنيكالىق بازانىڭ جاعدايى, زاڭسىز بالىق اۋلاۋشىلارعا قارسى كۇش قۇرىلىمدارىنىڭ قولداناتىن əدىستەرى قىزىقتىردى.
وبلىستىق ورمان شارۋاشىلىعى جəنە جانۋارلار دۇنيەسى اۋماقتىق ينسپەكتسياسىنىڭ بەكەتىن تەكسەرگەن نۇرلان نوعاەۆ بارلىق مەملەكەتتىك ورگاندار بىرلەسىپ جۇمىس ىستەگەن كەزدە كاسپي تەڭىزى, جايىق, قيعاش وزەندەرىنىڭ جاعالالاۋلارىنداعى, اتىراۋ وبلىسىنىڭ باسقا دا سۋ ايدىندارىنداعى براكونەرلىكتى جويۋعا بولاتىنىن ايتتى.
وبلىستىق ورمان شارۋاشىلىعى جəنە جانۋارلار دۇنيەسى اۋماقتىق ينسپەكتسياسى نىڭ باسشىسى دانيار بايماعامبەتوۆتىڭ ايتۋىنشا, 2017 جىلدىڭ 15 قىركۇيەگىنەن باستاپ ايماقتا زاڭسىز بالىق اۋلاۋدىڭ الدىن الۋعا باعىتتالعان جەدەل توپ جۇمىسىن باستاعان. كۇش قۇرىلىمدارىنىڭ وكىلدەرىنەن قۇرىلعان توپ وسى ۋاقىت ارالىعىندا بالىق قورعاۋ زاڭناماسىن بۇزعان 249 فاكتىنى انىقتادى. 332 بالىق اۋلاۋ قۇرالى, 2 توننا 648 كگ بالىق, 26 ءجۇزۋ جəنە كولىك قۇرالى, 33 براكونەرلىك قايىق تəركىلەندى.
رەيد بارىسىندا نۇرلان نوعاەۆ جايىق وزەنىنىڭ ۋچاسكەلەرىندەگى بالىق اۋلاۋشى كووپەراتيۆتەردىڭ جۇمىستارىمەن دە تانىستى.
بالىق اۋلاۋشى كووپەراتيۆتەردىڭ قىزمەتكەرلەرى براكونەرلەرمەن كۇرەس شارالارى تيىمدىلىگىن كورسەتكەنىن ايتادى. بالىق قورى مولايعان.
اتىراۋ وبلىسىنىڭ əكىمى بالىق قورىن ساقتاۋ مəسەلەسى مەملەكەت ساياساتىنىڭ ماڭىزدى باعىتتارىنىڭ ءبىرى ەكەنىن, سۋ مارجاندارىنىڭ جويىلىپ كەتۋ قاۋپىن زاڭسىز بالىق اۋلاۋشىلاردىڭ ارتتىرىپ وتىرعانىن ايتتى. رەيد قورتىندىسى بويىنشا ايماق باسشىسى كۇش قۇرىلىمدارى مەن مەملەكەتتىك ورگاندار باسشىلارىنا ناقتى تاپسىرمالار بەردى.
باقىتگۇل باباش,
"ەگەمەن قازاقستان"
