تولياتتيدە التىنشى حالىقارالىق سپورتتىق كينو جانە تەلەۆيزيا فەستيۆالىنىڭ جەڭىمپازدارىن ماراپاتتاۋ سالتاناتى ءوتتى. بايقاۋعا كەلىپ تۇسكەن بارلىق 180 ءوتىنىمنىڭ ىشىنەن قورىتىندى تىزىمگە 27 فيلم ەندى. فەستيۆال قاتىسۋشىلارى مەن قازىلار القاسى ءبىر كۇن بويى تەلەۆيزيالىق فيلمدەر مەن حابارلاردى كورىپ, تالقىعا سالدى.
جامبىل وبلىسى تاراز قالاسىنان قاتىسقان قازاقستاندىق جۋرناليست, «جامبىلسپورت» تەلەباعدارلاماسىنىڭ اۆتورى نايىمبەك باعبانوۆ «ەڭ ۇزدىك تەلەباعدارلاما» اتالىمىندا وسى بەدەلدى فەستيۆالدىڭ جەڭىمپازى اتاندى. «EuroChem Cup 2017» حالىقارالىق جارىسىنىڭ چەمپيونى اتانعان «الماتى-2005» بالالار حوككەي كومانداسى تۋرالى ونىڭ دەرەكتى ءفيلمى قازىلار القاسىنىڭ جوعارى باعاسىنا يە بولدى.
ەستەرىڭىزگە سالساق, ەۋروحيم مينەرالدى-حيميالىق كومپانياسىنىڭ «EuroChem Cup 2017» جۇلدەسى ءۇشىن ۇيىمداستىرىلعان التىنشى حالىقارالىق بالالار حوككەي جارىسى 2017 جىلدىڭ 24-27 مامىر كۇندەرى نوۆوموسكوۆسك قالاسىنىڭ «يۋبيلەينىي» سپورت سارايىنىڭ (رف تۋل وبلىسى) مۇز الاڭىندا وتكەن بولاتىن. دوداعا رەسەي, قازاقستان, فينليانديا, ليتۆا, گەرمانيا, بەلگيا, شۆەيتساريا جانە ەستونيا سىندى 8 ەلدىڭ 12 كومانداسى قاتىستى.
«الماتىدان كەلگەن جاس حوككەيشىلەر بيىل «EuroChem Cup» جارىسىندا وتە مىقتى ءارى قىزىقتى ويىن كورسەتتى. ولار گەرمانيا جانە ليتۆا, سونداي-اق, كوۆدور, نوۆوموسكوۆسك جانە سالاۆات اتىنان قاتىسقان رەسەيلىك كوماندالاردى جەڭىپ شىقتى. كوماندانىڭ ويىنى توعىز دۇركىن الەم چەمپيونى ۆلاديمير پەتروۆتىڭ جوعارى باعاسىنا بولەندى. الماتىلىق بالالار حوككەيى تۋرالى سيۋجەت ءۇشىن ۆلاديمير پەتروۆ ومىرىندەگى سوڭعى سۇxباتىن بەردى», - دەپ اتاپ ءوتتى «ەۋروحيم» مينەرالدى-حيميالىق كومپانياسىنىڭ قوعامدىق بايلانىس جانە كوممۋنيكاتسيالار دەپارتامەنتىنىڭ ديرەكتورى ۆلاديمير تورين. سونداي-اق, ول «ەۋروحيم» كومپانياسى قىزمەت جاساپ جاتقان شاعىن قالالارداعى الەۋمەتتىك باعدارلامالاردى, سونىڭ ىشىندە حوككەي سپورتىن قولداۋ ءۇشىن جىل سايىن 18 ملن. اقش دوللارى ءبولىنىپ وتىراتىنىن اتاپ ءوتتى. ء«بىز جاڭاتاس جانە قاراتاۋ قالالارىندا دا اۋقىمدى سپورت باعدارلامالاردى دامىتاتىن بولامىز. كەلەسى جىلى ءبىز قازاقستاننىڭ وسى قالالارىنان جاس جىگىتتەردى حالىقارالىق جارىسىمىزدا كۇتەمىز», - دەپ قوستى ۆلاديمير تورين.
