«قازاق كۇرەسى حالىقارالىق فەدەراتسياسى» زتب باس حاتشى كەڭەسشىسى ۇلان رىسقۇلدىڭ سوزىنشە قازاقستان اتىنان تارتىستى دودادا ەل نامىسىن 8 سالماق دارەجەسىندە بالۋاندار جانە تۇيە پالۋان قورعايدى
«ولاردىڭ قاتارىندا مارات نىعماتۋللاەۆ 55 كەلى, قۋانىش ىسقاقوۆ 60 كەلى, قاسىمحان تولەنباي 66 كەلى, عالىمجان ءابدىراحمانوۆ 74 كەلى, ەرسۇلتان مۇزافاروۆ 82 كەلى, ءادىلجان ىستىباەۆ 90 كەلى, الەكساندر كاساچەۆ 100 كەلى, رۋسلان ابدىرازاقوۆ 100+ كەلى, ايبات سەيتەن (تۇيە پالۋان) بار»,- دەد ى«قازاق كۇرەسى حالىقارالىق فەدەراتسياسى» زتب باس حاتشى كەڭەسشىسى ۇلان رىسقۇل.
ءباسپاسوز ءماسليحاتى بارىسىندا فەدەراتسيا پرەزيدەنتى قانات بوزىمباەۆ الەم چەمپيوناتىنا 40 تورەشى قازىلىق ەتەتىنىن باياندادى.
«الەم چەمپيوناتىنا 40 تورەشى قازىلىق ەتەدى. ونىڭ 9 شەتەلدەن شاقىرىلعان. چەمپيوناتتىڭ باس تورەشىسى حالىقارالىق دارەجەدەگى سۋديا ماقسات احمەتبەكوۆ» دەدى سپيكەر.
ايتا كەتەتىن تاعى ءبىر جايت, 27-ءشى قازاندا «حان شاتىر» ويىن-ساۋىق ورتالىعىندا سپورتشىلاردى ولشەۋ جانە جەرەبە تاستاۋ شاراسى جوسپارلانعان. ال, 28-29 قازان كۇندەرى «بارىس-ارەنا» مۇزايدىن سارايىندا جارىس بولادى.
سايىستىڭ العاشقى كۇنى سپورتشىلار 55, 90, 100, 100+ جانە كەلەسى كۇنى 60, 66, 74, 82 جانە ابسوليۋتتىك سالماق دارەجەسى بويىنشا باق سىنايدى.
ءىس-شارانىڭ باستى ۇيىمداستىرۋشىسى: زتب «قازاق كۇرەسى حالىقارالىق فەدەراتسياسى».
