«قازاقستان رەسپۋبليكاسىنىڭ ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەكتەرى بويىنشا, ينفلياتسيا 2017 جىلعى قىركۇيەكتە 0,3 پايىز, اعىمداعى جىلدىڭ باسىنان بەرى – 4,2 پايىز, ال وتكەن جىلعى قاڭتار-قىركۇيەكتە 5,6 پايىز بولدى. جىلدىق ينفلياتسيا 7,1 پايىز دەڭگەيدە قالىپتاستى جانە ۇلتتىق بانكتىڭ 2017 جىلعا ارنالعان 6-8 پايىز نىسانالى ءدالىزى شەگىندە تۇر. ينفلياتسيانىڭ قۇرىلىمىندا كوبىنەسە ازىق-ت ۇلىككە جاتپايتىن قۇراۋىش – جىلدىق كورسەتكىشتە 8,2 پايىزعا قىمباتتادى, ازىق-ت ۇلىك تاۋارلارى جانە اقىلى قىزمەت كورسەتۋ باعاسىنىڭ جىلدىق ءوسۋى, تيىسىنشە, 7,8 پايىز جانە 5,2 پايىز بولدى.
2017 جىلعى قىركۇيەكتە حالىق اراسىندا جۇرگىزىلگەن ساۋالداما ناتيجەلەرى بويىنشا ينفلياتسيانىڭ ءبىر جىلدان كەيىن كۇتىلەتىن ساندىق باعاسى الدىڭعى ايمەن سالىستىرعاندا وزگەرگەن جوق جانە 6,5 پايىز بولدى. 2017 جىلعى 1-جارتىجىلدىقتىڭ قورىتىندىلارى بويىنشا اعىمداعى شوتتىڭ تاپشىلىعى وتكەن جىلعى وسىنداي كەزەڭمەن سالىستىرعاندا 2,9 ملرد اقش دوللارىنا ء(ىجو-گە 4,3 پايىز) دەيىن, ياعني 25,8 پايىزعا تومەندەدى. 2017 جىلعى 2-توقساندا 1,5 ملرد اقش دوللارى مولشەرىندەگى تاپشىلىق 2016 جىلعى 2-توقسانداعى كورسەتكىشپەن سالىستىرعاندا 45,7 پايىزعا تومەن بولىپ قالىپتاستى.
قىركۇيەكتە حالىق نەتتو نەگىزدە 264,5 ملرد تەڭگە بالاما سوماعا قولما-قول شەتەل ۆاليۋتاسىن ساتىپ الدى. شىعىستاردىڭ نەگىزگى كولەمى 71 پايىز نەمەسە 188 ملرد تەڭگە قولما-قول اقش دوللارىن ساتىپ الۋعا, رەسەي رۋبلىنە 21 پايىز (56 ملرد تەڭگە), ەۋروعا شامامەن 8 پايىز (20 ملرد تەڭگە) جىبەرىلدى. الدىڭعى ايمەن سالىستىرعاندا بۇل شىعىستار 25,6 پايىزعا قىسقاردى», دەدى د.اقىشەۆ.
قورىتا كەلگەندە, ول قىركۇيەكتە بايقالعان قولما-قول اقش دوللارىن ساتىپ الۋ كولەمىنىڭ بارىنشا تومەندەۋى جاپپاي دەمالىستار كەزەڭىنىڭ اياقتالۋىمەن, سونداي-اق حالىقتىڭ دەۆالۆاتسيالىق كۇتۋلەرىنىڭ تۇراقتالۋىمەن تۇسىندىرىلەتىنىن اتاپ ءوتتى.
جيىن بارىسىندا ۇلتتىق بانك توراعاسىنىڭ ورىنباسارى الپىسباي احمەتوۆ استانادا بورىشكەرلەرگە كومەك كورسەتىلگەندىگىن تىلگە تيەك ەتتى.
ء«يا, 2017 جىلدىڭ 11 ساۋىرىندە ەلباسى نۇرسۇلتان نازارباەۆ وسىنداي تاپسىرما بەرگەن بولاتىن. تاپسىرمانىڭ ماعىناسى – يپوتەكالىق كرەديتتەردى قارجىلاندىرۋ باعدارلاماسىن كەڭەيتۋ ورىندىلىعى تۋرالى ۇسىنىس. ۇلتتىق بانك بۇل سۇراقتى ۇكىمەتپەن بىرلەسىپ, وسى تاپسىرما اياسىندا جۇمىس جۇرگىزۋدە.
ايتا كەتەتىن جاعداي, بۇكىل رەسپۋبليكا بويىنشا 140 ملرد تەڭگەگە قارىزدار قايتا قارجىلاندىرىلدى, 22 مىڭنان استام يپوتەكالىق بورىشكەرلەردىڭ جالعىز باسپاناسى ساقتالىپ قالدى. ەگەر دە استانا تۋرالى ايتاتىن بولساق, 16 ملرد تەڭگەگە يپوتەكالىق كرەديت قايتا قارجىلاندىرىلدى. وسى جىلدىڭ اياعىنا دەيىن ۇلتتىق بانك ۇكىمەتپەن بىرىگىپ, ەلباسىنىڭ تاپسىرماسىن قالاي شەشۋ كەرەكتىگى تۋرالى ۇسىنىس دايىنداپ جاتىر», دەدى الپىسباي احمەتوۆ.
راۋان قايدار,
«ەگەمەن قازاقستان»
