سەمينار-ترەنينگتى «قوعامدىق كەلىسىم» رمم قىزمەتىنىڭ جەتەكشىسى جاننا شايمۇحانبەتوۆا كىرىسپە سوزبەن اشىپ, تىلدەردى قىسقا مەرزىمدە وقىتۋدىڭ وڭتايلى ءادىس-تاسىلدەرىن ايقىنداۋ, قازاقستان حالقى بىرلىگىنىڭ ماڭىزدى فاكتورى رەتىندە مەملەكەتتىك ءتىلدىڭ ءرولىن ارتتىرۋ, قازاقستاندىق بىرەگەيلىكتى قالىپتاستىرۋ جولدارىنا توقتالدى. ول سونىمەن قاتار لاتىن الىپبيىنە اۋىسۋ ماسەلەسى جالپىحالىقتىق تالقىلاۋلارعا ۇلاسىپ, قۇندى وي-پىكىرلەر ايتىلىپ جاتقانىن, ۋاقىت تالابىمەن ۇندەس ناقتى شەشىم قابىلداۋ اسا ماڭىزدى ەكەنىن اتاپ ءوتتى.
تىلدەردى دامىتۋ باسقارماسىنىڭ باسشىسى كەمەل وسپانوۆ رۋحاني قۇندىلىقتار ءتىلىمىزدى جاڭعىرتۋ ۇدەرىسىندە شەشۋشى بۋىن سانالاتىنىن, ال لاتىن الىپبيىنە اۋىسۋ ەل, جاستار بولاشاعى ءۇشىن جاسالاتىن قۇندى قادامدار بولىپ تابىلاتىنىن جەتكىزدى. №17 ۇلتتىق وركەندەۋ ورتا مەكتەپ-كەشەنىنىڭ ديرەكتورى ءلاززات جالمۇقانوۆا جيناقتالعان ءىس-تاجىريبەلەر جايلى اڭگىمەلەسە, «مىڭ بالا» رەسپۋبليكالىق مادەني-اعارتۋشىلىق جوباسىنىڭ جەڭىمپازى گالينا جۋكوۆا قازاق ءتىلىن مەڭگەرۋدى, ۇيرەنۋدى بالاباقشا مەن مەكتەپتەن باستاۋدىڭ تيىمدىلىگىنە جينالعانداردىڭ نازارىن اۋداردى. جازۋشى قانات تاسىبەكوۆ جاعداياتتىق قازاق ءتىلى ادىستەمەسىنىڭ نەگىزىندە وقىتۋ تۋرالى وي ءبولىستى.
ترەنينگتە ى.التىنسارين اتىنداعى ۇلتتىق ءبىلىم اكادەمياسى ورتا ءبىلىم ينستيتۋتىنىڭ ديرەكتورى الداش راقىمجانوۆ «مەملەكەتتىك ءتىلدى وقىتۋدىڭ ءتيىمدى ءادىس-تاسىلدەرى», ۇلتتىق تىلدەردى وقىتۋ ورتالىعىنىڭ جەتەكشىسى ايجان سۇڭعاتوۆا «قازاق ءتىلىن شەت ءتىلى نەمەس ەكىنشى ءتىل رەتىندە وقىتۋ», YOUTYBE بەينەپورتالىنداعى «كازاحسكي يازىك زا 2 نەدەلي» بەينەساباقتارىنىڭ اۆتورى دوسجان نۇرسەيىتوۆ «قازاق ءتىلىن اقپاراتتىق كوممۋنيكاتسيالىق تەحنولوگيالار مۇمكىندىگىن پايدالانا وتىرىپ جەدەلدەتە وقىتۋ» تاقىرىپتارى اياسىندا ءوز ويلارىن ورتاعا سالدى.
ءبىز سەمينار-ترەنينگ كەيىن «قوعامدىق كەلىسىم» رمم-ءنىڭ باس ساراپشىسى ادىلەت دۇيسەنبيەۆپەن تىلدەسكەن ەدىك.
– شىن دەن قويسا, كەز كەلگەن ءتىلدى مەڭگەرۋ ەش قيىن ەمەس. مۇنى لاتىن الىپبيىنە دە قاتىستى ايتار ەدىم. مەنى جاستاردىڭ ىنتا-جىگەرى ەرەكشە قۋانتادى.
ەلباسىمىز «»بولاشاققا باعدار: رۋحاني جاڭعىرۋ» ماقالاسىندا تاياۋ جىلدارداعى مىندەتتەردىڭ ءبىرى رەتىندە ىسقاعازدارىن, مەرزىمدى ءباسپاسوزدى, وقۋلىقتاردى لاتىن الىپبيىمەن باسىپ شىعارۋ قاجەتتىگىن العا تارتتى. قازىردىڭ وزىندە العىشارتتار باستالىپ كەتكەنىن كورىپ وتىرمىز. ۇكىمەتكە قازاق ءتىلىن لاتىن الىپبيىنە كوشىرۋدىڭ ناقتى كەستەسىن جاساۋ تاپسىرىلدى. جىل اياعىنا دەيىن قازاق ءالىپبيىنىڭ جاڭا گرافيكاداعى بىرىڭعاي ستاندارتتى نۇسقاسى قابىلدانارىنا سەنىمدىمىن. بۇل ورايدا, عالىمدارعا, ءتىل ماماندارىنا, بارشا قوعام وكىلدەرىنە ۇلكەن جاۋاپكەرشىلىك جۇكتەلىپ وتىر.
قىزىلجار وڭىرىندەگى تالقىلاۋلار سولتۇستىكقازاقستاندىقتاردىڭ دا مەملەكەتتىك ماڭىزدى ىسكە بەيجاي قارامايتىنىن كورسەتىپ بەردى, – دەدى ول.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
