باسقوسۋداعى نەگىزى اڭگىمە «لاتىن گرافيكاسى – لاتىن الىپبيىنە كوشۋدىڭ ماسەلەلەرى مەن بولاشاعى» تاقىرىبى توڭىرەگىندە ءوربىدى. ءسوز العان ءاربىر شەشەن انا ءتىلى قاي كەزەڭدە دە ۇلتتىق قۇندىلىقتاردىڭ باستاۋى بولىپ تابىلاتىنى, سوندىقتان مەملەكەتتىك ءتىلدىڭ دامۋ ماسەلەسىنە كوپ جىلدار بويى ەلىمىزدە ەرەكشە نازار اۋدارىلىپ وتىرعانى, سونىڭ ءبىرى – قازاق ءتىلىنىڭ لاتىن گرافيكاسىنا كوشۋ ماسەلەسى ەكەنىن ەرەكشە اتاپ ءوتتى.
پىكىرتالاسقا بەلسەندى تۇردە قاتىسقان الماتى كوممۋنيستەرى دە لاتىن الىپبيىنە اۋىسۋ – ۋاقىت تالابى ەكەنىن, بۇل جاھاندانۋ جاعدايىندا وزىندىك ەرەكشەلىكتى ساقتاپ قالۋعا كومەكتەسەدى ءارى پرەزيدەنت لاتىن الىپبيىنە كوشۋ تۋرالى تىلگە تيەك ەتكەندە, «بۇل ۇلت بولىپ شەشۋدى تالاپ ەتەتىن ءپرينتسيپشىل ماسەلە ەكەندىگىن اتاپ ءوتتى» دەپ, لاتىن الىپبيىنە كوشۋ ۇدەرىسى قازاق ءتىلىنىڭ جاڭعىرۋىنا جاعداي جاساۋى ءتيىس دەگەن بايلام جاسادى.
دوڭگەلەك ۇستەل باسىندا تەبىرەنە ءسوز سويلەگەن فيلولوگيا عىلىمدارىنىڭ دوكتورى تەمىرحان تەبەگەنوۆتىڭ «لاتىن گرافيكاسى – رۋحاني جاڭعىرۋدىڭ جانە ۇلتتىق بىرەگەيلىكتى نىعايتۋدىڭ قۋاتتى فاكتورى, مەملەكەتتىك ءتىلدى جاڭعىرتۋ قاجەتتىلىگى ونى بايلانىس قۇرالى رەتىندە عانا پايدالانباي, ءتىلدىڭ بارلىق باي الەۋەتىن اشۋعا سەپتىگىن تيگىزەتىنى» تۋرالى بايانداماسى تىڭداۋشىلارىن تۇششىندىردى. احمەت بايتۇرسىنوۆ اتىنداعى ءتىل ءبىلىم ينستيتۋتىنىڭ وكىلى, عالىم ءنازيرا ء امىرجانوۆانىڭ سوزىنەن تىڭداۋشىلار كوكەيىندە جۇرگەن ءتۇرلى ساۋالدارعا ناقتى جاۋاپ تاپقانداي بولدى.
القالى جيىندا ەلباسىنىڭ – قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىنا ەلىمىزدىڭ بولاشاقتى مەڭزەگەن باعدارلاماسى رەتىندە قولداۋ ءبىلدىرىپ, جاڭا مودەل ەلىمىزدىڭ گۇلدەنۋىنىڭ ىرگەتاسى بولادى دەگەن تۇجىرىم جاسادى.
تالعات ءسۇيىنباي,
«ەگەمەن قازاقستان»
الماتى
