ۇلتتىق جاڭعىرۋدىڭ ۇيىتقىسى

ەل ىرگەسىن نىقتا­عان­نان كەيىن تا­ري­حى­مىزدى تۇگەندەدىك. «مادەني مۇرا» باعدارلاماسىنىڭ, قازاق حاندى­عىنىڭ 550 جىلدىق مەرەيتويى­نىڭ ارقاسىندا بارىمىزدى با­عامداپ, جوعىمىزدى تاپتىق, بولاشاعىمىزدى ۇلت تانىمىنا باعىتتاپ, وشكەنىمىزبەن قاۋىشتىق. 

ال ەندى مەملەكەت باسشىسى نۇرسۇلتان نازارباەۆ ءبىلىم مەن رۋحاني سالالارعا دەن قويۋ قاجەتتىگىن باسا ايتۋدا. مۇنى پرەزيدەنتتىڭ سوڭعى جىلدارداعى قازاقستان حالقىنا ارناعان جولداۋلارىنان بىردەن اڭعارۋعا بولادى. راس, ءبىلىم سالاسىنا بىرنەشە جىلدان بەرى باسىمدىق بەرىلىپ, ەل قازىناسىنان بولىنەتىن قاراجات تا ەسەلەنە تۇسۋدە. مۇنى ناتيجەسىز دەپ ايتا المايمىز. ويتكەنى ءتۇرلى سارالاۋ مەن زەردەلەۋدەن وتكەن رەفورمالار كەلەشەك ۇرپاقتىڭ قابىلەتتىلىگىن ارتتىرۋدى كوزدەيدى. 

مەنىڭ ايتپاعىم, رۋحاني جاڭعىرۋ ەدى. بۇل قۇجاتتىڭ نەگىزى رەتىندە لاتىن الىپبيىنە كوشۋ سايا­ساتىن ايتۋعا بولادى. اتالعان ۇدەرىستىڭ قازاق حالقىنا پايدالى تۇستارىن عالىمدارىمىز بەن ماماندارىمىز باق بەتتەرىندە ۇنەمى ايتىپ, جازىپ كەلەدى. بۇل, بىرىنشىدەن, دامىعان ەلدەرمەن يىق تىرەسىپ, زامان كوشىنە ىلەسۋ بولسا, ەكىنشىدەن, ۇلتتىق عىلىمنىڭ قيىندىق پەن كەدەرگىگە ۇرىنباي ىلگەرىلەي تۇسۋىنە سەرپىن بەرەتىنىن تۇسىندىك.

كوپ قولداعان لاتىن الىپبيىنە كوشۋدىڭ ۋاقىت تالابى ەكەنىن №74 مەكتەپ-گيمنازياسى ۇجى­مى دا ۇعىنعانىن جەتكىزگىم كە­لەدى. بۇل سوزىمە كۇنى كەشە ۇيىم­داستىرعان «لاتىن الىپبيىنە كوشۋ – ۇلتتىق جاڭعىرۋدىڭ ۇيىتقىسى» اتتى اقپاراتتىق-تۇسىندىرمە جۇ­مى­سىمىز كۋا. ول القالى وتىرىس­تا اتا-انالار مەن وقۋشىلارعا لاتىن الىپبيىنە كوشۋدىڭ ماڭىز­دىلىعى تۋرالى تەرەڭ ماعلۇمات بەر­دىك. قوعامدىق دۇرىس پىكىر قالىپ­تاستىرۋعا سەپتەستىك.
جيىندا ش.شاياحمەتوۆ اتىن­داعى تىلدەردى دامىتۋدىڭ رەسپۋب­ليكالىق ۇيلەستىرۋ ورتالىعىنىڭ قىزمەتكەرلەرى قاتىسۋشىلارعا لاتىن ءالىپبيىنىڭ ەلباسىنا ۇسى­نىلعان ۇلگىسىن تانىستىردى.

ءبىز عالىمدار مەن IT ماماندار لاتىن ءالىپبيىنىڭ قوعام تالقىسىنا ەكى نۇسقاسىن ۇسىنعانىنان حاباردارمىز. الايدا, كوپشىلىكتىڭ تاڭ­داۋى وتىز ەكى ارىپتەن تۇرا­تىن ەكىنشى نۇسقاعا تۇسۋدە. مامان­داردىڭ ايتۋىنشا, بۇل نۇسقا­نىڭ العاشقى نۇسقادان ەرەكشە­لىگى ءتول دىبىستارىمىز نەگىزگى ءالىپ­بي قاتارىنان ورىن الىپتى جانە دايەكشە ارقىلى بەرىلگەن. قوعامنىڭ توقسان پايىزى قول­داعان وسى نۇسقا ءبىزدىڭ دە ويىمىزدان شىققانىن ايتۋ كەرەك. مەكتەپ ۇجىمى ۇيىمداستىرعان جيىننىڭ ەرەكشەلىگى سول, وندا زيالى قا­ۋىم وكىلدەرى, ۇستازدار, قوعام قاي­راتكەرلەرى ويلارىن ورتاعا سالىپ, پىكىرلەرىن ءبىلدىردى. ءبىز لاتىن الىپبيىنە كوشۋ ساياساتىن ءبىر اۋىزدان قولدايتىنىمىزدى ايتىپ, ىرگەلى شارا ءىس جۇزىنە اسقاندا ونىڭ كەڭ تاراۋىنا كۇش سالۋعا ۋاع­دالاستىق.

جەڭىسكۇل ءنۇسىپجان, 
№74 مەكتەپ-گيمنازيانىڭ ديرەكتورى

استانا