قىزىلوردالىقتاردىڭ حاتىندا سىر ءوڭىرىنىڭ اگروونەركاسىپ كەشەنى مەملەكەت قولداۋىمەن سوڭعى جىلدارى قارقىندى دامىعانى باياندالعان. وبلىس ديقاندارىنىڭ تىنىمسىز ەڭبەگى ارقاسىندا بىلتىرعى رەكوردتىق كورسەتكىش تاعى دا جاڭارىپ, كۇرىشتەن بۇرىن-سوڭدى بولماعان مول ءونىم الىنعانى حابارلانعان.
«سىر بويى ديقاندارى 91 مىڭ گەكتار ەگىستىكتىڭ ءار گەكتارىنان 55,3 تسەنتنەردەن ءونىم الىپ, ەل قامباسىنا جارتى ميلليون توننادان استام كۇرىش جينادى. وبلىس كۇرىششىلەرى وسىمەن بەس جىل قاتارىنان رەكوردتىق كورسەتكىشتەرگە قول جەتكىزىپ وتىر», دەپ اتاپ وتكەن حات يەلەرى.
سوڭىندا شارۋالار ءوڭىر جۇرتشىلىعى اتىنان مەملەكەت باسشىسىنا قامقورلىعى ءۇشىن زور ريزاشىلىق ءبىلدىرىپ, جاسامپاز باستامالاردى ىسكە اسىرۋ جولىندا ايانباي ەڭبەك ەتە بەرەتىندەرىن ايتقان.
حات اۆتورلارى اراسىندا قازاقستاننىڭ ەڭبەك ەرى, كۇرىش وندىرۋشىلەر مەن وڭدەۋشىلەر اسسوتسياتسياسىنىڭ توراعاسى ا.ەراليەۆ, وبلىستىق قوعامدىق كەڭەستىڭ توراعاسى س.يماندوسوۆ, «سىر مارجانى» جشس ديرەكتورى م.وتەەۆ جانە وزگە دە اۋىل شارۋاشىلىعى سالاسىنىڭ ەڭبەككەرلەرى بار.
