جيىن بارىسىندا وبلىس باسشىسى جىل سوڭىنا دەيىن وڭىردە «رۋحاني جاڭعىرۋ» اتتى مۋزەي اشۋ جوسپارلانىپ جاتقانىن باياندادى.
«ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا كورسەتىلگەن مىندەتتەر وڭىرىمىزدە جوسپارعا ساي جۇزەگە اسىرىلىپ كەلەدى. لاتىن ءالىپبيىن قولداۋ, تۋعان جەر جانە دە باعدارلامانىڭ باسقا دا باعىتتاردى وبلىس تۇرعىندارى بەلسەندى قولدايدى. وبلىسىمىزدان قاسيەتتى ورىندار تىزىمىنە الدىمەن ورتاعاسىرلىق «جايىق» قالاشىعى مەن «بوكەي ورداسى» تاريحي-مۋزەي كەشەنى كىرسە, قازىر ولاردىڭ سانى التاۋعا جەتتى. ياعني, قوسىمشا تاقساي قورعان كەشەنى, (ب.ز.د VI-V ع.) جۇماعازى حازىرەت ء(حىح ع), عۇمار قاراش زيراتى جانە جىمپيتىداعى الاشوردا مۋزەيى. سونىمەن قاتار, وڭىرىمىزدە جىل سوڭىنا دەيىن «رۋحاني جاڭعىرۋ» اتتى مۋزەي اشۋ جوسپارلانۋدا. وڭىرىمىزدەن قاسيەتتى قازاقستان تىزىمىنە ەنگەن تاريحي ورىنداردىڭ كوشىرمەلەرى, لاتىن تىلىندە شىققان ءباسپاسوز, الاش مۇرالارى جانە تاۋەلسىز قازاقستاننىڭ بۇگىنگى جەتىستىكتەرى قامتىلماق. سونىمەن قاتار, اتالعان باعدارلاما بويىنشا 20 جوبا جانە 113 كىشى جوبا جۇزەگە اسىرىلۋدا» دەدى التاي كولگىنوۆ.
راۋان قايدار,
"ەگەمەن قازاقستان"
