جانىبەك سەلوسىنداعى اۋداندىق مەشىت اۋلاسىنان سالىنعان سۋ جاڭا عيماراتتا ۇل بالالار مەن قىز بالالار ءدىني ساۋاتىن اشاتىن سىنىپ بولمەلەرى بولەك جابدىقتالعان. ودان بولەك ۇلكەن زال بار. مەدرەسە عيماراتىن سالۋعا كاسىپكەر 8,5 ملن تەڭگەدەي قارجى جۇمساپتى.
ءدىني ساۋات اشۋ ورتالىعىنىڭ اشىلۋ سالتاناتىنا جينالعان جاماعات الدىندا نۇر-مۇباراك يسلام ۋنيۆەرسيتەتىنىڭ تۇلەگى, ۇستاز ءىزباسار ماقسوتوۆ قيراعاتتاپ قۇران سۇرەلەرىن وقىعان سوڭ, قمدب-نىڭ باتىس قازاقستان وبلىسى بويىنشا وكىل يمامى رۋسلان قاجى سۇلتانوۆ پەن كاسىپكەر ەسقايىر ەلەمەسوۆ عيماراتتىڭ تۇساۋكەسەر ءراسىمىن جاسادى.
– جانىبەك اۋداندىق ءماسليحاتىنىڭ دەپۋتاتى, «سيمۆول» جشس ديرەكتورى ەسقايىر ەلەمەسوۆ بۇرىننان قايىرىمدىلىق ىستەرىمەن ەل العىسىن الىپ جۇرگەن ازامات. ءوزى دە نامازىن قازا قىلمايتىن يماندى جان بولاشاقتا مەشىت پەن ساۋات اشۋ ورتالىعىنا قىستا جىلىتاتىن قازاندىق سالىپ بەرۋدى جوسپارلاپ ءجۇر, – دەيدى بىزگە جانىبەكتىك ارىپتەسىمىز احمەديار باتىرحانوۆ.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان وبلىسى
