قۇقىق قورعاۋ قىزمەتتەرى ورتالىعىندا بىلىكتى زاڭگەرلەر, ادۆوكاتتار مەن مەدياتورلار, سوت ورىنداۋشىلارى, نوتاريۋستار, يۋۆەنالدى قىزمەت, پروباتسيا قىزمەتكەرلەرى جۇمىس ىستەيدى. پروكۋرورلارعا ءوتىنىش ايتا كەلگەن ازاماتتار دا شارۋاسىن وسى جەردەن شەشە الادى. وبلىستىق پروكۋراتۋرا مەن جەرگىلىكتى اتقارۋشى ورگاننىڭ قولداۋىمەن قۇرىلعان جاڭا مەكەمە قالا تۇرعىندارىنا تەگىن قىزمەت كورسەتەدى. اشىلۋ سالتاناتىنا قاتىسقان وبلىس اكىمى نۇرلان نوعاەۆ: «ەلباسىمىزدىڭ قازاقستاندىقتارعا قىزمەت كورسەتۋدىڭ ساپاسىن ارتتىرۋ جانە قۇقىق قورعاۋ ورگاندارىنىڭ قىزمەت كورسەتۋىندەگى اشىقتىقتى قامتاماسىز ەتۋ جونىندەگى تاپسىرماسىنا سايكەس بىرقاتار شارا اتقارىلىپ جاتىر. بۇل ورتالىق حالىققا ساپالى قىزمەت كورسەتەدى دەگەن سەنىمدەمىن», دەدى.
وبلىس پروكۋرورى ەرنات سىبانقۇلوۆتىڭ ايتۋىنشا, ورتالىقتا تۇرعىنداردىڭ بەينەوتىنىشىن قابىلداۋ مۇمكىندىگى دە قاراستىرىلعان. ال بالالارىمەن كەلگەندەر سابيلەرىن ارنايى ويىن بولمەلەرىنە قالدىرىپ, جۇمىستارىن الاڭسىز بىتىرە الادى.
باقىتگۇل باباش,
«ەگەمەن قازاقستان»
اتىراۋ
