قالالىق «امانكەلدى» حالىق تەاترى س.بالعاباەۆتىڭ ء«بىز دە عاشىق بولعانبىز», قۇرمانعازى اۋدانى, «مورسكوي» سەلولىق مادەنيەت ءۇيى جانىنداعى حالىق تەاترى ا.سەيدىمبەكوۆتىڭ «مەزگىلسىز ماحاببات», ماقات اۋداندىق مادەنيەت ءۇيى جانىنداعى حالىق تەاترى ب.جاكيەۆتىڭ «جۇرەيىك جۇرەك اۋىرتپاي» جانە قىزىلقوعا اۋدانى «سامال» مادەنيەت ءۇيى جانىنداعى حالىق تەاترى ب.ريموۆانىڭ «قوس مۇڭلىق» درامالارىن قويىپ, ءۇشىنشى ورىندى تەڭ ءبولىستى.
ال جىلىوي اۋدانى «كەڭ جىلىوي» حالىق تەاترى ر.مۇقانوۆانىڭ «ماڭگىلىك بالا بەينەسى» دراماسىمەن, يندەر اۋدانى «يندەر – مادەنيەت» حالىق تەاترى س.ولجابايدىڭ «قارا كوزىلدىرىكتى كەلىنشەك» دراماسىمەن ەكىنشى جۇلدەنىڭ يەگەرلەرى اتاندى.
قۇرمانعازى اۋدانى «كالينين» حالىق تەاترى ءا.تاۋاساروۆتىڭ «ماحاببات ارالى» قويىلىمىمەن ءبىرىنشى ورىندى جەڭىپ الدى. «ۇزدىك دەكوراتسيا» نوميناتسياسى ج.ءالماش ۇلىنىڭ ء«تىرى جان» دراماسىن ساحنالاعان قۇرمانعازىلىق «تەڭىز» حالىق تەاترىنا بەرىلدى. «ۇزدىك ەر ادام ءرولى» نوميناتسياسى قىزىلقوعالىق ساعيدوللا ياكىپقا, «ۇزدىك ايەل ادام ءرولى» يندەرلىك گۇلزيرا شاۋكەروۆاعا لايىق دەپ تانىلدى.
ر.مۇقانوۆانىڭ «ماڭگىلىك بالا بەينەسى» دراماسىن ساحنالاعان «كەڭ جىلىوي» حالىق تەاترىنىڭ رەجيسسەرى نازگۇل جيەنباەۆا «ۇزدىك رەجيسەر», يندەر اۋدانىنان كەلگەن ساياجان ازيدوللاقىزى «كورەرمەن كوزايىمى» اتاندى.
بايقاۋعا قازىلىق ەتكەن قر مادەنيەت قايراتكەرى انەتا باەتوۆا: «حالىقتىق» تەاترلار اتىراۋ وبلىسىندا جاقسى دامىعان. بۇل ونەرگە دەگەن قۇرمەتتىڭ كورىنىسى. «شىنايى شىمىلدىق» بايقاۋى بيىل ءتورتىنشى رەت ۇيىمداستىرىلىپ وتىر. جىلدان-جىلعا تەاترلاردىڭ تالعامى ارتىپ, رەپەرتۋارلارى تولىعىپ كەلەدى», دەيدى.
باقىتگۇل باباش,
«ەگەمەن قازاقستان»
اتىراۋ
