اسسامبلەيا وتىرىسى ەكى جىلدا ءبىر رەت ۇيىمداستىرىلادى. القالى جيىننىڭ نەگىزگى سەسياسىن وداقتىڭ پرەزيدەنتى ويۆيند اندەرسەن مىرزا قۇتتىقتاۋ سوزىمەن اشتى. سونىمەن بىرگە, بۇل وتىرىستا ۇيىمنىڭ اتقارعان ءىس-شارالارى جونىندە حاتشىلىقتار ارنايى ەسەپ دايىنداپ, قاتىسۋشىلارعا عىلىمي جوبالاردىڭ ناتيجەلەرىن ۇسىندى. وداققا مۇشەلىككە وتۋگە ۇمىتكەر-ۇيىمدار تانىستىرىلىپ, داۋىس بەرۋ ءراسىمى ءوتتى.
الەمنىڭ بەلدى عىلىم وردالارىنىڭ باسشىلارى مەن كورنەكتى عالىمداردىڭ باسىن قوسقان اسسامبلەيا جۇمىسى ءۇش كۇنگە سوزىلادى. نەگىزگى سەسسيالاردىڭ ءبىرى «زاماناۋي شىعىس ازياداعى ءدىن, ساۋدا جانە حالىقارالىق بايلانىستار» تاقىرىبىندا وتەدى. باعدارلاماعا سايكەس, قاتىسۋشىلار جاپونيانىڭ عىلىمي-زەرتتەۋ ۇيىمدارىمەن تانىسىپ, ءتۇرلى اكادەميالىق لەكتسيالار تىڭداي الادى. سونداي-اق, وداقتىڭ جاڭا عىلىمي جوبالارى تىنىستىرىلماق.
ايتا كەتۋ كەرەك, TWESCO عىلىم سالاسى بويىنشا الەمدەگى ەڭ جوعارى قۇرىلىم سانالاتىن حالىقارالىق اكادەميالار وداعىنا 2015 جىلدىڭ ماۋسىم ايىندا بريۋسسەلدە وتكەن باس اسسامبلەيا وتىرىسىندا قابىلدانعان بولاتىن. دۇنيەجۇزىلىك عىلىمي قاۋىمداستىقتاعى زەرتتەۋ ۇيىمدارىنىڭ جۇمىسىن ۇيلەستىرىپ, ىنتىماقتاستىقتىڭ ارتۋىنا ىقپال ەتەتىن UAI 1919 جىلى قۇرىلعان, شتاب-پاتەرى بريۋسسەل قالاسىندا ورنالاسقان. بۇگىندە حالىقارالىق اكادەميالار وداعىنا 63 مەملەكەتتەن 100-دەن استام عىلىمي مەكەمە مۇشە.
