- بۇل كەزدەسۋگە جاقسى دايىندالدىق. «ەرتىسكە» قارسى اۋىر ويىننان كەيىن ءوز قالپىمىزعا كەلدىك دەپ ايتا الامىن. ەلىمىزدىڭ نامىسىن قورعاۋعا دايىنبىز.
- جاراقاتىڭىزدان تولىقتاي ايىقتىڭىز با؟
- جاراقات فۋتبولدىڭ ءبىر بولىگى عوي. قازىر ءبارى جاقسى. ەمدەلىپ, ءوز قالپىما كەلدىم. ەندى ەرەتەڭگى ويىنعا تولىقتاي دايىنمىن. جانكۇيەرلەرىمنىڭ الدىندا بار ونەرىمدى سالۋعا دايىنمىن.
- «ماككابيدە» بەلارۋستىك قورعاۋشى ەگور فيليپەنكو وينايدى. بىزدە دە بەلورۋس ويىنشىلارى جوق ەمەس. قارسىلاستارىڭىزبەن بايلانىسىپ, كوماندا جايلى سۇراستىردىڭىزدار ما؟
- شىنى كەرەك, ول تۋرالى ويلانعان ەمەسپىز. «ماككابيدى» جەڭۋ قولىمىزدان كەلەدى دەپ ويلايمىن.
- «ماككابي» تۋرالى وي بولىسسەڭىز. ولاردىڭ قانداي باسىم تۇستارى بار؟ كەمشىلىكتەرى جايلى نە ايتاسىز؟
- راس, «ماككابيدى» جان-جاقتى قاراستىردىق. ولار دوپقا كوبىرەك يەلىك ەتكەندى, قارسىلاستارىن ءجيى قىسىمعا العاندى ۇناتادى.
- «استانانىڭ» قۇپياسى نەدە؟ نەلىكتەن ءوز الاڭىندا جەڭىلمەي كەلەدى؟
- ءبىز ەۋروپالىق فۋتبول كورسەتىپ, جانكۇيەرلەرىمىزدى قۋانتۋعا مىندەتتىمىز. ولار ءبىزدى قولداۋ ءۇشىن ەلىمىزدىڭ تۇكپىر-تۇكپىرىنەن كەلەدى. ولاردىڭ سەنىمىن اقتاۋىمىز كەرەك. تاعى ءبىر ايتا كەتەرىم, قازاقستان قۇراماسى دا «استانانىڭ» دەڭگەيىندە ويناسا ەكەن دەيمىز.
- ماۋسىم سوڭى دا كەلىپ قالدى. ويىنشىلاردىڭ شارشاعانى بىلىنبەي مە؟
- جاراقاتتار ءوز اسەرىن تيگىزبەي قويماعانى انىق. بىراق قازىر ءبارى سوڭىنا دەيىن بارىن سالۋعا دايىن. جەڭىسكە جەتۋ باستى ماقساتىمىز بولۋى كەرەك. ءبارى ءوز قولىمىزدا.
ايان ءابدۋالي,
«ەگەمەن قازاقستان»
