2017 جىلدىڭ 9 قازانىندا ەلباسى مەملەكەتتىك ءتىلدى لاتىن قارپىنە كوشىرۋ جونىندەگى جوبانى ىسكە اسىرۋ ءۇشىن قۇرىلعان جۇمىس توبىنىڭ مۇشەلەرىمەن كەزدەستى. قازاقستان پرەزيدەنتى مەملەكەتتىك ءتىلدى رەفورمالاۋ رۋحاني جاڭعىرۋ باعدارلاماسى اياسىنداعى ماڭىزدى ماسەلەلەردىڭ ءبىرى ەكەنىن اتاپ ءوتتى. جيىندا مەملەكەت باسشىسىنا قوعامدىق تالقىلاۋلار بارىسىندا كەلىپ تۇسكەن ۇسىنىستاردى ەسكەرە وتىرىپ ازىرلەنگەن قازاق ءتىلىنىڭ لاتىن قارپىنە نەگىزدەلگەن بىرىڭعاي ستاندارتىنىڭ جوباسى ۇسىنىلدى.
الدىڭعى پارلامەنتتىك تىڭداۋدا ۇسىنىلعان جوبادان ايىرماشىلىعىن ايتار بولسام, بۇندا ديگرافتار قولدانىلمايدى, قازاق تىلىندەگى ءتول داۋىستى جانە داۋىسسىز دىبىستار ءارىپ تاڭبالارىنىڭ ۇستىنەن ءۇتىر, نوقاتتار قويۋ ارقىلى بەرىلگەن. «كەلىسىپ پىشكەن تون كەلتە بولماس» دەمەكشى, قوعامنىڭ باسىم كوپشىلىگىنىڭ تالاپ-تىلەكتەرى قاناعاتتاندىرىلعان ءتəرىزدى. وتە دۇرىس دەپ ويلايمىن...
«الەمدە ەشبىر ەل ءوزىنىڭ جاڭا ءالىپبيىن بۇكىل حالىق بولىپ وسىلايشا تالقىلاعان ەمەس. ءبىز ءۇشىن ءاربىر ادامنىڭ پىكىرىن ءبىلۋ ماڭىزدى. لاتىن قارپىنە كوشۋگە بايلانىستى پرەزيدەنت اكىمشىلىگىنە 300-دەن استام ءوتىنىش كەلىپ ءتۇستى. جاستاردىڭ بۇل ۇدەرىستى قولداعانى قۋانتادى. جوبانى ىسكە اسىرۋ بارىسىندا الەمدىك تاجىريبە ەسكەرىلدى. بۇل وتە ماڭىزدى. سونىمەن بىرگە قازاق ءالىپبيىن لاتىن قارپىنە كوشىرۋ ۇدەرىسىنە قاتىستى اقپاراتتىق-ءتۇسىندىرۋ جۇمىستارىن جالعاستىرۋ قاجەت», دەدى مەملەكەت باسشىسى.
دەمەك لاتىن ءالىپبيى – ۇلى دالا ەلىن الەمدىك وركەنيەتپەن قابىستىراتىن التىن كوپىر. لاتىنعا ورالۋ زامان تالابىنان تۋىنداپ وتىرعان قاجەتتىلىك. دۇنيە ءجۇزى حالقىنىڭ 80 پايىزى قولداناتىن لاتىن ارپىنە كوشۋ وزىق يننوۆاتسيالار مەن جاڭا تەحنولوگيالارعا ءبىر تابان جاقىنداۋدىڭ بەلگىسى. «وسى ارقىلى ەلەكتروندى اقپارات قۇرالدارىن دا جىلدام يگەرۋگە بولادى. لاتىن الىپبيىنە كوشۋ ساياساتىن ەلباسى بەكەر باستاپ وتىرعان جوق. مۇنىڭ ءتيىمدى جاقتارى وتە كوپ. جاپون ەلى, ماسەلەن ءوزىنىڭ IT تەحنولوگياسىندا جانە عىلىم سالاسىندا لاتىن ءالىپبيىن ەكىنشى الىپپە رەتىندە قولدانادى. قىتاي ەلى دە وزدەرىنىڭ يەروگليفتەرىمەن قاتار وسى لاتىن ءالىپبيىن پايدالانادى.
قازاق ءتىلىنىڭ لاتىن قارپىنە كوشۋى ورىس ءتىلدى ازاماتتاردىڭ قۇقىقتارىن, ورىس ءتىلى مەن باسقا دا تىلدەردىڭ مۇمكىندىكتەرىن شەكتەمەيدى. ورىس ءتىلىنىڭ كيريلل قارپىندە قولدانىلۋى وزگەرىسسىز قالادى. ول بۇرىنعىداي قىزمەت اتقارا بەرەتىن بولادى. جاڭا الىپبيگە كوشۋ قازاق ءتىلىن مەڭگەرۋدى جەڭىلدەتەدى», – دەدى پرەزيدەنت.
ولاي بولسا بارشامىز وسى يگى ىسكە بەلسەندى اتسالىسايىق! رۋحاني جاڭعىرۋ اياسىندا ءتىلىمىز دە جاڭعىرسىن!
الپىس بەكەنوۆ,
اقمولا وبلىستىق تىلدەردى دامىتۋ باسقارماسى باسشىسىنىڭ مىندەتىن اتقارۋشى
