قارجى ءمينيسترى باقىت سۇلتانوۆ جەكەشەلەندىرۋدىڭ 2016-2020 جىلدارعا ارنالعان كەشەندى جوسپارىنا بارلىعى 877 نىسان ەنگىزىلگەنىن باياندادى. 1 قازانداعى جاعداي بويىنشا 441 نىسان ساتىلىمعا قويىلسا, ونىڭ 291 نىسانى 112,7 ملرد تەڭگە سوماعا ساتىلدى.
ساتىلعان نىسانداردىڭ: ساتۋ باعاسى 8,3 ملرد تەڭگە بولاتىن رەسپۋبليكالىق مەنشىكتەگى 23 نىسان, ساتۋ باعاسى 33,1 ملرد تەڭگەنى قۇراعان كوممۋنالدىق مەنشىكتەگى 162 نىسان جانە ساتۋ باعاسى 71,3 ملرد تەڭگە بولاتىن كۆازيمەملەكەتتىك سەكتوردىڭ 106 نىسانى. بۇدان وزگە, 211 نىسان قايتا ۇيىمداستىرۋ جانە تاراتۋ كەزەڭىندە.
وسىلايشا, قايتا ۇيىمداستىرىلاتىن جانە تاراتىلاتىن نىسانداردى ەسەپكە العاندا كەشەندى جوسپاردى ورىنداۋ اعىمداعى مەرزىمگە 74,3% قۇرايدى.
جالپى 2017 جىلعا 473 نىساندى وتكىزۋ جوسپارلانعان, ونىڭ ىشىندە بۇگىنگى تاڭدا 251 نىسان ساتىلىمعا قويىلدى, 55,6 ملرد تەڭگە سوماعا 112 نىسانى ساتىلدى. 115 نىسان قايتا ۇيىمداستىرۋ جانە تاراتۋ كەزەڭىندە. وسىلايشا, جىل سوڭىنا دەيىن 107 نىساندى وتكىزۋ قاجەت.
نىسانداردى ساتۋدىڭ ناتيجەلىلىگىن تالداۋ ناتيجەلەرى جالپى تەڭگەرىمدىك قۇنى 96 ملرد تەڭگە كەزىندە 291 نىساندى وتكىزۋ سوماسى 112,7 ملرد تەڭگەنى قۇرادى.
ەڭ ۇزدىك نىسانداردى وتكىزۋ ماسەلەسى بويىنشا 2017 جىلعا 24 نىساندى وتكىزۋ جوسپارلانعان, ونىڭ ىشىندە 20 نىسان ۇلتتىق حولدينگتەر مەن ءتورت نىسان رەسپۋبليكالىق مەنشىككە تيەسىلى. ولاردىڭ قازىرگى ۋاقىتتا 6-ۋى ساتىلدى جانە 11-ءى ساتىلىمعا قويىلدى — بۇل «سامۇرىق-قازىنا» ۇاق سەگىز نىسانى مەن «بايتەرەك» ۇبح ءۇش اكتيۆى.
رەسپۋبليكالىق مەنشىكتەگى ەڭ ۇزدىك ءتورت نىسان بويىنشا كەلەسى جۇمىس جۇرگىزىلۋدە:
«استانا قوناق ءۇيى» اق, «ۇلتتىق عىلىمي مەديتسينالىق ورتالىق» اق جانە «قازمەدتەح» اق نىساندارى بويىنشا — باعالاۋ جۇرگىزۋگە تاۋەلسىز كونسۋلتانتتار تارتىلدى جانە قازىرگى ۋاقىتتا باعالاۋ بويىنشا ءىس-شارالار اياقتالىپ قالدى;
«استانا حالىقارالىق اۋەجايى» اق بويىنشا — «كوكشەتاۋ اۆياكومپانياسى» اق قوسۋ ارقىلى قايتا ۇيىمداستىرۋ بويىنشا جۇمىس جۇرگىزىلۋدە, جەكەشەلەندىرۋ ءتۇرى بويىنشا قر ۇكىمەتى قاۋلىسىنىڭ جوباسى ازىرلەندى.
ۇلتتىق ەكونوميكا ءبىرىنشى ۆيتسە-ءمينيسترى رۋسلان دالەنوۆ «سامۇرىق-قازىنا» قورىنىڭ اكتيۆتەرىن باسەكەلى ورتاعا بەرۋ ۇدەرىسىنىڭ تيىمدىلىگىن قامتاماسىز ەتۋ جانە ونى جەدەلدەتۋ ماقساتىندا «ۇلتتىق ءال-اۋقات قورى تۋرالى» زاڭعا تۇزەتۋلەر ەنگىزىلدى.
بۇدان وزگە, مەملەكەت باسشىسىنىڭ تاپسىرمالارىنا سايكەس بيۋدجەت كودەكسىنە جانە «مەملەكەتتىك م ۇلىك تۋرالى» زاڭعا رەسپۋبليكالىق مەنشىكتى جەكەشەلەندىرۋدەن تۇسكەن قاراجاتتى ۇلتتىق قورعا بەرۋدى, سونداي-اق ۇلتتىق حولدينگتەر مەن ۇلتتىق كومپانيالاردىڭ اكتيۆتەرىن باسەكەلى ورتاعا بەرۋدى قاراستىراتىن تۇزەتۋلەر ەنگىزىلگەنىن باياندادى.
مەملەكەتتىك ورگانداردىڭ ۆەدومستۆوعا قاراستى ۇيىمداردى تۇگەندەۋ ناتيجەلەرى بويىنشا مەملەكەتتىك مەنشىك پەن كۆازيمەملەكەتتىك سەكتوردا قالاتىن, سونداي-اق تاراتىلۋى ءتيىس نىساندار ءتىزىلىمى جاسالدى. مەملەكەتتىك مەنشىكتە ساقتالاتىن ۇيىمدار ءتىزىمى 6523 ۇيىمنان تۇرادى, ولاردىڭ 85%-ىن الەۋمەتتىك سالا ۇيىمدارى قۇرايدى.
قازىرگى ۋاقىتتا مەملەكەتتىك ورگاندار مەملەكەتتىك م ۇلىك تىزىلىمىندە ءاربىر ۇيىمعا «مەملەكەتتىك مەنشىكتە تۇراقتى/ۋاقىتشا ساقتاۋ», «تاراتۋ», «قايتا ۇيىمداستىرۋ», «جەكەشەلەندىرۋ» مارتەبەلەرىن بەرەدى. الداعى ۋاقىتتا مەملەكەتتىك مەنشىكتە ساقتالاتىن ۇيىمدار ءتىزىمى ءمجا مەن باسەكەلى ورتانى دامىتۋعا قاتىستى قايتا قارالادى.
وسىلايشا, قولعا الىنعان شارالار كۆازيمەملەكەتتىك سەكتور نىساندارىن جەكەشەلەندىرۋ ۇدەرىسىن زاڭنامالىق تۇردە جەدەلدەتۋگە مۇمكىندىك بەردى, سونداي-اق ءمجا اياسىندا ۇلگىلىك كەلىسىمشارتتار جاساۋعا كومەكتەستى.
سونداي-اق, قر ۇكىمەتى وتىرىسى بارىسىندا «قازاگرو» ۇبح باسقارما توراعاسى نۇرلىبەك مالەلوۆ, «بايتەرەك» ۇبح توراعا ورىنباسارى ايدار اريفحانوۆ پەن «سامۇرىق-قازىنا» ۇاق قۇقىقتىق سۇيەمەلدەۋ جانە تاۋەكەلدەر جونىندەگى باسقارۋشى ديرەكتورى عاني بيتەنوۆ بايانداما جاسادى.
