«جوبانىڭ باستى ماقساتى – پرەزيدەنت نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىندا ايقىندالعان مىندەتتەردى جۇزەگە اسىرۋ», دەدى قۇمار ىرگەباي ۇلى. ول ۇلتتىق قۇندىلىقتاردى جانداندىرۋ باعىتىنداعى ماقالانىڭ وزەكتىلىگىن اتاپ كورسەتتى. بۇل ورايدا ستۋدەنت-جاستاردىڭ بويىنا تۋعان جەرگە دەگەن سۇيىسپەنشىلىكتى دارىتۋ اسا ماڭىزدى ءىس.
«رۋحاني جاڭعىرۋ» جوبالاۋ كەڭسەسىنىڭ جەتەكشىسى, تاريح عىلىمدارىنىڭ دوكتورى اقمارال يبراەۆانىڭ ايتۋىنشا, ورتالىق «اتامەكەن», «اقپارات تولقىنى», «تاربيە جانە ءبىلىم» مەن «رۋحاني قازىنا» سياقتى ءتورت باعىتتان تۇرادى. بۇل سالالار بويىنشا اقپاراتتىق-ناسيحات جۇمىستارى جان-جاقتى جۇرگىزىلەتىن بولادى. ولاردىڭ ىشىندە «دوڭگەلەك ۇستەل», كونفەرەنتسيا, فورۋم وتكىزۋ, زەرتتەۋ ەكسپەديتسيالارىن, سونداي-اق, فلەشموبتار مەن اۋقىمدى اكتسيالار ۇيىمداستىرۋ بەلگىلەنگەن. كەڭسەنىڭ قىزمەتكەرلەرى الەۋمەتتىك جەلىلەردى دە كەڭىنەن پايدالاناتىن بولادى.
وڭىرىمىزدە «رۋحاني قازىنا» باعىتى بويىنشا 23 جوبا جۇزەگە اسىرىلۋدا. «تۋعان جەر», «قازاقستاننىڭ كيەلى جەرلەرى» جانە «قاسيەتتى قازاقستان» سىندى اۋقىمدى باعدارلامالار تۇرعىندار اراسىندا تاريح, سالت-ءداستۇر جانە مادەنيەتكە دەگەن قىزىعۋشىلىقتى وياتۋدى دىتتەيدى. «اتامەكەن» جوباسى ازاماتتاردى, ۇكىمەتتىك ەمەس ۇيىمداردى, ەرىكتىلەر, مەتسەناتتار, كاسىپكەرلەر مەن مەملەكەتتىك ورگانداردى جەرگىلىكتى تۇرعىنداردىڭ ماسەلەلەرىن شەشۋگە ىنتالاندىرۋدى كوزدەيدى.
ءوڭىر باسشىسى «اتامەكەن» جوباسى اياسىندا وڭىردەن شىققان تانىمال ازاماتتاردى مەتسەنات رەتىندە قايىرىمدىلىق شارالارىنا تارتۋ قاجەتتىلىگىنە نازار اۋدارۋدى تاپسىردى.
ءومىر ەسقالي,
«ەگەمەن قازاقستان»
