ۇلتتىق ەكونوميكا ءمينيسترى تيمۋر سۇلەيمەنوۆ قازاقستان ەكونوميكاسى ەسەپتىك كەزەڭدە قاڭتار-تامىز ايلارىندا جيناقتالعان ءوسىم قارقىنىن 4,3% دەڭگەيىندە ساقتاعانىن ايتتى. بۇعان ماكروەكونوميكالىق تۇراقتىلىق پەن ينۆەستيتسيالىق بەلسەندىلىك, سونداي-اق سىرتقى نارىقتارداعى قولايلى جاعدايلار ىقپال ەتۋدە.
مەملەكەتتىك جانە سالالىق باعدارلامالار اياسىندا قابىلدانعان شارالاردىڭ ارقاسىندا ەكونوميكانىڭ بارلىق سالالارىندا وڭ ءۇردىس بايقالاتىنى اتالىپ ءوتتى. ءوسىمنىڭ نەگىزگى قوزعاۋشىلارى ونەركاسىپ, قۇرىلىس, ساۋدا, كولىك جانە بايلانىس بولدى.
ونەركاسىپتە جىل باسىنان بەرى تۇراقتى ءوسىم بايقالۋدا, قاڭتار-قىركۇيەكتە 8,3%-دى قۇرادى. تاۋ-كەن ونەركاسىبىندە ءوندىرىس كولەمى 11,3%-عا ۇلعايدى. وڭدەۋ ونەركاسىبىنىڭ ءوسىمى 5,7%-دى قۇرادى. ىشكى نارىققا باعدارلانعان سالالاردا ەلەۋلى ءوسىم بايقالۋدا, سونىڭ ىشىندە فارماتسەۆتيكالىق ونىمدەر شىعارۋ, جەڭىل ونەركاسىپ, ازىق-ت ۇلىك ونىمدەرى مەن سۋسىندار, سونداي-اق, مۇناي ونىمدەرى ءوندىرىسى.
ەكسپورتقا باعدارلانعان سالالاردا دا ءوسىمنىڭ تۇراقتى قارقىنى بايقالۋدا, ماسەلەن, قارا مەتاللۋرگيا ءوندىرىسى 7,8%-عا, ءتۇستى مەتاللدار ءوندىرىسى 6,6%-عا وسكەن.
اۋىل شارۋاشىلىعىندا ءوسىم 1,9% دەڭگەيىندە ساقتالعان, سونداي-اق, قۇرىلىس قاڭتار-تامىز ايلارىنداعى 0,1%-دان وسى جىلدىڭ 9 ايىندا 3,5%-عا دەيىن ارتقان.
ەكونوميكانىڭ ناقتى سەكتورىنداعى جوعارعى ءوسىم قىزمەت كورسەتۋ سالاسىنىڭ تۇراقتى ءوسىم جولىنا بىرتە-بىرتە شىعۋىمەن سۇيەمەلدەنەدى. وسى جىلدىڭ 9 ايىندا كولىك قىزمەتتەرى 4,7%-عا, ساۋدا جانە بايلانىس — 3%-عا, جىلجىمايتىن م ۇلىك وپەراتسيالارى — 2,1%-عا ارتقان.
ەكونوميكا دامۋىنا وڭ اسەرىن بەرىپ جاتقان ينۆەستيتسيالار ءوسىمىنىڭ ديناميكاسى جاقسارىپ كەلەدى. 2017 جىلدىڭ 9 ايىندا نەگىزگى كاپيتالعا سالىنعان ينۆەستيتسيالار كولەمى 4,4%-عا ءوستى. ساۋدا مەن قۇرىلىستا ينۆەستيتسيالاردىڭ ەڭ كوپ ءوسىمى بايقالۋدا, سونىمەن قاتار جىلۋمەن جانە سۋمەن قامتۋ جەلىلەرىندە جۇرگىزىلگەن جاڭعىرتۋ جۇمىستارىنىڭ ناتيجەسىندە ونەركاسىپتە دە ينۆەستيتسيالار ءوسىمى بايقالىپ تۇر.
نەگىزگى كاپيتالعا ينۆەستيتسيالار ءوسىمى الدىمەن ىشكى كوزدەرمەن قامتاماسىز ەتىلدى, ال قارجىلاندىرۋدىڭ سىرتقى كوزدەرىندە تومەندەۋ بايقالادى.
تۇراقتى ماكروەكونوميكالىق جاعداي تۇرعىسىنان, تىكەلەي شەتەلدىك ينۆەستيتسيالاردىڭ جالپى ءتۇسىمى 2017 جىلدىڭ ءى جارتىجىلدىعىندا $10,5 ملرد-قا دەيىن 8,6%-عا ءوستى. قازان ايىنىڭ باسىنداعى جاعداي بويىنشا ەلىمىزدىڭ حالىقارالىق قورى التىن-ۆاليۋتا ساقتىق قورلارىنىڭ 10,2%-عا ءوسۋى ەسەبىنەن $89,4 ملرد-تى قۇرادى.
توعىز ايدىڭ قورىتىندىلارى الەۋمەتتىك-ەكونوميكالىق ءوسىمنىڭ بارلىق سالالارىندا وڭ قارقىننىڭ ساقتالعانىن كورسەتەدى. وسىنى ەسكەرە وتىرىپ, جىل قورىتىندىسى بويىنشا كەم دەگەندە 3,4% دەڭگەيىندە ەكونوميكا ءوسىمى ورىن الادى دەپ بولجانعان.
