قالامىزدىڭ ءۇش اۋدانىندا تۇرعىن ءۇي كەشەندەرىنىڭ اۋلالارىن اباتتاندىرۋ جۇرۋدە. ء«بىز قوبىلاندى7-دەگى سپورت الاڭىن اياقتاپ قالدىق, ول جەردە ۇلكەن فۋتبول الاڭى بولادى. ال, تازالىق جانە جىلىتۋ ماۋسىمى بويىنشا جۇمىستار ويداعىداي», - دەپ ايتتى «الماتى» اۋدانى اكىمىنىڭ ورىنباسارى تالعات تلەۋوۆ.
«ەسىل» اۋدانىندا دا اباتتاندىرۋ جۇمىستارى جوسپارعا سايكەس جۇرگىزىلۋدە. قازىرگى تاڭدا «قۇلاگەر 1», «قۇلاگەر 2», «قۇلان», «ساۋران» تۇرعىن ءۇي كەشەندەرى مەن «تريۋمفالنىي» ساياباعى اباتتاندىرىلعان. ء«بىز 270 كولىككە ارنالعان اۆتوتۇراق ورنىن جانە اۋلاارالىق جولداردى اياقتادىق, ونىڭ ىشىندە 23-ءى دايىن, قالعانىن كەلەر جىلى اياقتايمىز», - دەدى «ەسىل» اۋدانىنىڭ اكىمى.
وسى كۇنى «سارىارقا» اۋدانىندا 195 اۋلا اباتتاندىرىلعان جانە 60-ىندا اسفالت توسەلگەن. «بۇل باعىتتا جۇمىستار جالعاسۋدا, كۇن رايى قولايلى بولسا جۇمىس جۇرە بەرەدى. جىل باسىنان بەرى 75 ۇيگە 114 جارىق ورناتتىق, الداعى ۋاقىتتا 244 ءۇيدى قامتىپ, جىل سوڭىنا دەيىن اياقتاۋ جوسپاردا بار», - دەپ ايتتى «سارىارقا» اۋدانى اكىمى. جالپى العاندا قالانى اباتتاندىرۋ جۇمىستارى جوسپارعا ساي جۇرۋدە. قالا اكىمى اۋدان اكىمدەرىنە قۇرىلىسى بىتپەگەن كوشەلەر مەن جولداردى قار تۇسكەنشە اياقتاۋدى تاپسىردى.
