اۋىل تىرشىلىگىندە ىلگەرىلەۋشىلىك بار

كەزىندە قىزىلوزەك اۋىلدىق كەڭەسىنە قاراس­تى قاراكول اۋىلى سول كەزدەگى اجارلى دا بازارلى اۋىلدىڭ ءبىرى بولاتىن. وسى اۋىلدا قاراكول قوي شارۋاشىلىعى قونىس تەۋىپ, اسىل تۇقىمدى مال وسىرۋمەن اينالىسىپ, سىر اي­ماعىنداعى الدىڭعى قاتارداعى شارۋاشىلىق­تاردىڭ ءبىرى عانا ەمەس, بىرەگەيى بولعان-دى. وكىنىشتىسى سول, زامانىندا شارۋاشىلىق تا­راتىلىپ, مىڭداعان باس قوي جەكەشەلەنىپ كەتە باردى. ىرگەلى شارۋاشىلىق تالان-تاراجعا ءتۇسىپ, اۋىل تۇرعىندارىنىڭ تۇرمىس-تىرشىلىكتەرى دە تومەندەپ, اۋىل اجارىنان ايىرىلا باستاعان. ەندى, مىنە, ەلىمىز ەڭسەسىن تىكتەپ, وسى اۋىلدىڭ تامىرىنا قايتادان قان جۇگىرىپ كەلە جاتقان سىڭايلى. وسىعان وراي, اۋىل احۋالىنىڭ بۇگىنگى جاي-كۇيىمەن تانىسۋدى ماقسات ەتكەن ءبىز قىزىلوزەك اۋىلدىق وكرۋگىنىڭ اكىمى جازىقباي ءابىلوۆتىڭ اۋىل تۇرعىندارى الدىندا بەرگەن ەسەبىنە ارنايى بارىپ قاتىسقانبىز. بۇل اۋىلدىق وكرۋگكە قاراستى ءۇش ەلدى مەكەن: قاراوزەك, ايناكول اۋىلدارى مەن قاراوزەك ستانساسى قارايدى. وسى ايماقتا قونىس تەپكەن 647 وتباسىنداعى 3315 ادامنىڭ بۇگىنگى تىنىس-تىرشىلىگىندە كەزىندەگىدەن كوش ىلگەرى­لەۋشىلىك بار. بۇل اۋىل تۇرعىندارى نەگىزىنەن اۋىل شارۋاشىلىعىمەن اينالىسادى, ياعني ءتورت ت ۇلىك مال مەن ەگىن ءوسىرۋدى كاسىپ ەتكەن. سودان دا اۋىل ايماعىندا ءىرىلى-ۇساقتى 27 شارۋا قوجالىعى جۇمىس ىستەسە, وسىنىڭ نەگىزى مال شارۋاشىلىعىمەن, ال 7-ەۋى ەگىن شارۋاشى­لىعىمەن اينالىسادى. ءتورت ت ۇلىكتى سارالاي ايتار بولساق, مۇندا قوي سانى – 7774, ءمۇيىزدى ءىرى قارا – 2211, جىلقى – 267, تۇيە 225 باسقا جەتكەن. ال وتكەن جىلى ەگىن شارۋاشىلىعى سالاسىندا 125 گەكتار جەرگە كارتوپ ەگىلىپ, 1281 توننا كارتوپ, 155 گەكتارعا ەگىلگەن كوكونىستەن 1968 توننا, 85 گەكتار جەرگە ەگىلگەن باقشا داقىلدارىنان 1020 توننا ءونىم الىنعان. اۋىل اكىمىنىڭ پايىمداۋىنشا, اۋىل تۇرعىندارىنىڭ تولعاقتى اۋىز سۋ مەن اياق سۋ ماسەلەلەرى سوڭعى جىلدارى ءوز شەشىمىن تاپقان. ەلدى مەكەندەردەگى سۋ قوندىرعىلارى تۇراقتى جۇمىس ىستەۋىمەن قاتار, ءاربىر تۇرعىن ۇيگە اۋىز سۋ كىرگىزۋ باعىتىندا دا جوسپارلى جۇمىس ءجۇرىپ جاتىر. وتكەن جىلى اۋىز سۋدىڭ احۋالىن جاقسارتۋ ماقساتىندا جەرگىلىكتى بيۋد­جەتتەن قارجى قارالىپ, 1,6 شاقىرىم اۋىز سۋ جۇيەسى مەن سۋ مۇناراسى كۇردەلى ءجون­دەۋدەن وتكىزىلگەن. ال, ەكىنشى كەزەڭدە قالعان 10,5 شاقىرىم اۋىز سۋ جۇيەسىن كۇردەلى ءجون­دەۋگە 66 079,93 تەڭگەنىڭ سمەتالىق-جوبا قۇ­جات­تارى جاسالىپ, قالالىق ەكونوميكا جانە بيۋد­جەتتىك جوسپارلاۋ بولىمىنە ۇسىنىس بەرىلگەن. ەلدى مەكەندەردىڭ تىرشىلىك كوزدەرى –اياق سۋمەن قامتاماسىز ەتۋدە دە ىلگەرىلەۋشىلىك بار. ساۋرانباي كانالىنا شليۋز سالىنىپ, 4,8 شاقىرىم كانال تابانى اۋىل تۇرعىندارىنىڭ كۇشىمەن تازالانسا, 1 ملن. تەڭگەگە ەلەكترسورعى ورناتىلعان. اۋىلدىق وكرۋگكە “جول كارتاسى” باعدار­لاماسى نەگىزىندە وتكەن جىلى 1 ملن. تەڭگە قار­جى ءبولىنىپ, قاراوزەك اۋىلىن جارىقتاندىرۋعا باسا ءمان بەرىلدى. ناقتىلاي ايتار بولساق, 1,2 شاقىرىم كوشە قايتادان جارىقتاندىرىلسا, پودس­تانسا كۇردەلى جوندەۋدەن وتكىزىلدى. ايماقتاعى ەلەكتر جەلىسىنىڭ 7 شاقىرىمى دا كۇردەلى جوندەۋدەن وتكىزىلگەن. ال بايلانىسقا كەلەر بولساق, ايماق كولەمىنىڭ 90 پايىزى تەلەفون بايلانىسىمەن تولىق قامتاماسىز ەتىلگەن. اۋىل تۇرعىندارىن كوپتەن بەرى تولعان­دىرىپ جۇرگەن ءبىر ماسەلە – اۆتوكولىك جول­دارى. بۇل سالادا دا سوڭعى جىلدارى سەرپىلىس بايقالادى. ويتكەنى, مەملەكەت قارجىسىنان بولىنگەن 1 ملن. تەڭگەگە 7 شاقىرىم اۆتوكولىك جولى جوندەۋدەن وتكىزىلسە, 2 شاقىرىم جول اۋ­ىل تۇرعىندارىنىڭ ءوز ىقپالدارىمەن ءجون­دەلگەن. ەسەپتى جيىندا تۇرعىندار اۋىل­داردىڭ ىشكى جولدارىن جوندەۋگە جەرگىلىكتى بيلىك باسشىلارىنىڭ نازار اۋدارۋلارىن ءوتىندى. اۋىل تۇرعىندارىن الەۋمەتتىك قورعاۋ باعىتىندا وڭ وزگەرىستەر بار. ەگەر سارالاپ ايتار بولساق, 216 ادام زەينەتاقىلارىن ۋاقتىلى الىپ وتىرسا, 64 ەڭبەك جانە بالا جاستان مۇگەدەك جاندار وتكەن جىلى 9 ملن. 853 مىڭ 745 تەڭگە جاردەماقى العان. سونداي-اق, 36 وتباسى 1 235 200 تەڭگە اتاۋلى كومەك السا, 97 وتباسىنا 3 792 700 تەڭگە كولەمىندە تۇرعىن ءۇي كومەگى بەرىلگەن. اۋىل تۇرعىندارىن جۇمىسقا تارتۋ دا جوسپارلى جۇرگىزىلۋدە. جىل كولەمىندە تۇرمىسى تومەن وتباسىلارىنىڭ 62 ادامى قوعامدىق جۇمىسقا تارتىلىپ, كاسىبي وقۋ مەن قايتا دايارلاۋدان 8 ادام وتكەن. جۇمىسقا تارتىلعان جەتى جاس ماماننىڭ دەنى تۇراقتى جۇمىسقا قابىلدانعان. قىزىلوزەك اۋىلدىق وكرۋگىنە قاراستى ايماقتاردا 3 مەكتەپ, 1 اۋىلدىق اۋرۋحانا مەن ەمحانا, 2 فەلدشەرلىك-اكۋشەرلىك پۋنكت, 1 اۋىلدىق كلۋب, 10 876 دانا كىتاپ قورى بار كىتاپحانا حالىققا قىزمەت كورسەتۋدە. اۋىل اكىمىنىڭ ەسەپتى جيىنىندا اۋىل تۇرعىندارى ع.دوسىنباەۆ, ا.سادىقوۆ, ءا.دو­سانوۆ, ا.اليەۆ, ك.ابسەيىتوۆ, م.با­لاپانوۆ, تاعى باسقالارى سۇراق قويىپ, ءوز ساۋالدارىنا قىزىلوردا قالاسى اكىمىنىڭ ورىنباسارى ا.مۇحيموۆ, اۋىلدىق وكرۋگ اكىمى ج.ءابىلوۆ جانە سالا باسشىلارىنان جاۋاپتار الدى. ەركىن ءابىل, قىزىلوردا.