حالىقارالىق ەكسپو-2017 كورمەسىن وتكىزۋ كەزىندە احۋال ورتالىعىنىڭ جۇمىس ىستەۋ تاجىريبەسى جانە دە «قۇقىقتىق ءتارتىپ» جەدەل-الدىن الۋ شاراسى ونىڭ كوممۋنالدىق-تۇرمىستىق ماسەلەلەردى شەشۋ بارىسىندا ۇيلەستىرۋ سالاسىندا جانە ەلوردادا قاۋىپسىزدىكتى قامتاماسىز ەتۋدە تيىمدىلىگىن كورسەتتى.
استانا قالاسى اكىمدىگى اپپاراتىنىڭ موبيليزاتسيوندىق دايىندىق جانە اۋماقتىق قورعانىس ءبولىمىنىڭ باسشىسى رۋسلان ورماعامبەتوۆتىڭ مالىمەتىنشە, اعىمداعى جىلدىڭ 10 ماۋسىمىنان 10 قىركۇيەك ارالىعىندا 109 قىزمەتىنە ازاماتتاردان 58 180 ءوتىنىش كەلىپ تۇسكەن. ونىڭ 10 491-ءى – تۇرعىن-ءۇي كوممۋنالدىق شارۋاشىلىعىنا قاتىستى, ال 47 689 – انىقتامالىق-اقپاراتتىق مازمۇنداعى سۇراقتار.
-ەلوردا تۇرعىندارى مەن قوناقتارى تاراپىنان شتاتتىق ەمەس احۋالدار بويىنشا تۇسكەن ءوتىنىش-شاعىمدار تەز قارالىپ, جەدەل شەشىلدى.
بۇدان بولەك, احۋال ورتالىعى ەكسپو-2017 اياسىندا مادەني-بۇقارالىق جانەسپورتتىق شارالاردى وتكىزۋ بارىسىندا تۇرمىستىق قامتاماسىز ەتۋ نىساندارى مەن كوممۋنالدىق قىزمەتتىڭ, كولىكتىڭ ينفراقۇرىلىمنىڭ ءۇزىلىسسىز جۇمىس ىستەۋىن, قوعامدىق قاۋىپسىزدىكتىڭ قامتاماسىز ەتىلۋىن, جەدەل مەديتسينالىق كومەكتىڭ كورسەتىلۋىن, ءورت قاۋىپسىزدىگىن, جالپى ەلوردانىڭ بارلىق قىزمەتىن ۇيلەستىرۋدى قامتاماسىز ەتتى.
قازىرگى تاڭدا احۋال ورتالىعىنىڭ ارى قاراي داتۇراقتى تۇردە جۇمىس ىستەۋ ماسەلەسىن قالا باسشىلىعى قاراستىرىپ جاتىر, - دەدى رۋسلان ورماعامبەتوۆ.
ەستەرىڭىزگە سالامىز, استانا قالاسى اكىمىنىڭ 2017 جىلدىڭ 30 مامىرىنداعى وكىمىمەن احۋال ورتالىعى قۇرىلعان بولاتىن. ونى اشۋدىڭ باستى ماقساتى - ەكسپو-2017 حالىقارالىق مامانداندىرىلعان كورمەسىن وتكىزۋ بارىسىندا قاۋىپسىزدىكتى قامتاماسىز ەتۋ بولدى. ونىڭ جۇمىس ىستەۋى ءۇشىن ەلوردا اكىمدىگى اپپاراتى, قالالىق باسقارمالار مەن ولارعا قاراستى مەكەمەلەردىڭ قىزمەتكەرلەرىنەن كورمەنى وتكىزۋ كەزىندە قاۋىپسىزدىكتى قامتاماسىز ەتۋ شتابى قۇرىلدى.
