اتالعان شاراعا جوعارعى سوت توراعاسى ق.ءمامي مەن جوعارعى سوت جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باسشىسى ن.ءشارىپوۆ قاتىستى. تانىستىرۋ ءراسىمىنىڭ سوڭىندا مەملەكەت باسشىسى احۋالدىق ورتالىقتىڭ جۇمىسىن ىسكە قوسۋ جونىندە قاشىقتان پارمەن بەردى.
بۇل احۋالدىق ورتالىق جوعارعى سوتتىڭ عيماراتىندا ورنالاسقان جانە ول تىكەلەي رەجيمدە سوتتار جۇمىسىن بىرىڭعاي مونيتورينگىلەۋ جۇيەسى بولىپ تابىلادى. ءبىز جوعارعى سوتتىڭ ءباسپاسوز قىزمەتىنەن العان مالىمەتىمىزگە ساي, مۇندا تاۋلىك بويى ەلىمىزدىڭ 370 سوتىنان كەلىپ تۇسەتىن 700 كورسەتكىش بويىنشا وزەكتى سوت اقپاراتىن جيناۋمەن جانە تالداۋمەن اينالىسۋعا مۇمكىندىك بار ەكەندىگىنە كوز جەتكىزدىك. ماسەلەن, پروتسەستىك مەرزىمدى باقىلاۋ, اۋديوبەينەتىركەۋدى قولدانۋ, سوت پروتسەسىنىڭ ۋاقتىلى باستالۋى سەكىلدى ماڭىزدى مىندەتتەر اتقارىلادى. سوت ستاتيستيكاسىن جۇرگىزۋگە ەرەكشە كوڭىل بولىنبەك.
بۇعان قوسا, احۋالدىق ورتالىق رەسپۋبليكانىڭ 1418 سوت زالىندا پروتسەستەردىڭ ءوتۋ بارىسىن قاداعالايدى. بۇل سوتتاعى دورەكى ءىس-قيمىلداردى, سونىڭ ىشىندە سوت پروتسەسىنە قاتىسۋشىلارعا تونگەن قاۋىپتى تەز ارادا انىقتاۋعا مۇمكىندىك بەرەدى. جالپى احۋالدىق ورتالىق سوت جۇمىسىنىڭ كەستەسىندە بولاتىن اقاۋلاردى جەدەل انىقتاۋ مەن تۇزەتۋگە باعىتتالعان. بۇل – سوت تورەلىگىن جۇزەگە اسىرۋداعى ازاماتتاردىڭ كونستيتۋتسيالىق قۇقىقتارىن قورعاۋدى قامتاماسىز ەتۋدەگى جاڭا پراكتيكالىق تسيفرلىق شەشىم.
كەڭەس بارىسىندا مەملەكەت باسشىسىنا سوتتارداعى جاڭا اقپاراتتىق تەحنولوگيالاردى ەنگىزۋ بويىنشا بىرقاتار سوڭعى جەتىستىكتەر دە كورسەتىلدى. بۇگىندە «سوت كابينەتى» سەرۆيسىنە 180 مىڭنان استام قولدانۋشى تىركەلگەن, جىل سايىن سوتتاردىڭ سايتتارىندا ءبىر ميلليوننان استام ءىس ورنالاستىرىلادى. جوعارعى سوت سايتىنىڭ جەكە دارا كورۋشىلەرىنىڭ سانى ايىنا 150 مىڭعا جۋىق.
ەل پرەزيدەنتى ءموبيلدى سوت كابينەتىنىڭ مۇمكىندىكتەرى تۋرالى دا حاباردار بولدى. اتالعان سەرۆيس تاراپتارعا سوتقا كەلمەي-اق قاشىقتىقتان قاتىسۋعا مۇمكىندىك بەرەدى. بۇعان ينتەرنەتكە شىعاتىن زاماناۋي ءموبيلدى قۇرىلعى كومەگىمەن ۇيدەن, كەڭسەدەن, باسقا قالادان, سونىڭ ىشىندە شەتەلدەن دە قوسىلۋعا بولادى. جوعارعى سوت رەسپۋبليكادا تولىققاندى «ەلەكتروندى سوت تورەلىگى» جۇيەسىن دامىتۋ بويىنشا بەلسەندى جۇمىس جۇرگىزۋدە. ول سوت تورەلىگىن جۇزەگە اسىرۋ كەزىندە حالىقتىڭ سوتتارمەن ءوزارا قارىم-قاتىناسى ماسەلەلەرىن قامتيدى. بۇل جۇمىس ءوزىنىڭ ناقتى ناتيجەلەرىن بەرۋدە. بۇگىنگى كۇنى سوتتارعا ەلەكتروندى تۇردە بەرىلگەن وتىنىشتەردىڭ ۇلەسى 91 پايىزدى قۇرايدى. وسىلايشا جاڭا اقپاراتتىق تەحنولوگيا-
لاردى ەنگىزۋ بويىنشا جۇمىس جالعاسۋدا جانە ول جوعارعى سوت باسشىلىعىنىڭ تۇراقتى باقىلاۋىندا.
الەكساندر تاسبولات,
«ەگەمەن قازاقستان»
