– «ۆيلياررەال» كومانداسىن جەڭىسىمەن قۇتتىقتايمىن! مەنىڭشە, مەنىڭ كوماندام بۇگىن جاقسى ويىن كورسەتۋگە تىرىستى. ءبىزدىڭ بۇدان دا جاقسىراق, نەعۇرلىم سەرپىندى جانە اگرەسسيۆتى ويىن كورسەتۋگە مۇمكىندىگىمىز بار ەدى. دەگەنمەن, ءۇش گول جەڭىل قاتەلىكتىڭ سالدارىنان سوعىلدى. كوماندادا جەڭىسكە دەگەن جىگەر 100 پايىز بولعان جوق. ەگەر فۋتبولشىلار جەڭىسكە جەتۋدى قالاعاندا, ويىن ورنەگى ءتىپتى باسقا ارناعا اۋار ەدى.
– «استانا» ەسەپتى تەڭەستىرگەندە تەڭ ويىنعا دەگەن ءۇمىتىڭىز بولدى ما؟ فۋتبولشىلارعا ەسەپتى ۇستاپ قالۋعا نە جەتىسپەدى دەپ ويلايسىز؟
– ەكىنشى تايمدا گول سوعىلعانىنا قۋانىشتىمىن. بىزگە ازعانتاي عانا مىنەز جەتىسپەي قالدى. ەسەپ تەڭەسكەندە ءبىزدىڭ فۋتبولشىلار ەركىنسىپ كەتتى. سول ءساتتى قارسىلاس كوماندا ۇتىمدى پايدالانىپ, قاقپامىزعا ەكىنشى گولدى سوقتى. راسىمەن, جىگىتتەردىڭ ويىنعا دەگەن جىگەرى 100 پايىز بولماي شىقتى. ءبىز قورعانىستا وتە جەڭىل قاتەلىكتەر جىبەرىپ الدىق.
– ەكىنشى تايمدا مۇرتازاەۆتىڭ ورنىنا توماسوۆتى شىعاردىڭىز. كوماندانىڭ دوپتى ءوز باقىلاۋىندا ۇستاي المايتىنىنا ەشقانداي قاۋىپ بولعان جوق پا؟
- رومان بۇگىن گول سوعۋعا تىرىستى, بىراق ول شارشاپ قالدى. ويىنشى الماستىرعاندا مەن توماسوۆتىڭ جىلدامدىعىنا سەنىم ارتىپ, تاۋەكەلگە باردىم. بىراق, قاتەلىك شابۋىلدا دا, قورعانىستا دا كوپ بولدى. «ۆيلياررەال» مۇنداي قاتەلىكتەردى كەشىرمەيدى جانە بىردەن گول سوعىپ كەتتى.
– ءۇش ورتالىق قورعاۋشى تاكتيكاسى ءوز جەمىسىن بەردى دەپ ايتساق بولادى. ەگەر كوماندانىڭ قالاي وينايتىنىن الدىن الا بىلگەنىڭىزدە ەكى قورعاۋشىنى عانا قالدىرۋ تۋرالى ويلانار ما ەدىڭىز؟ ويىنشىلاردىڭ جەكەلەگەن قاتەلىكتەرىن ەسەپكە الماعاندا, ءۇش قورعاۋشى ءوز مىندەتتەرىن ورىنداي الدى ما؟
– ويىن باسىندا ءبىز جاقسى ويىن ورنەگىن كورسەتىپ, اشىق ايماقتى كورىپ, ءبىرىنشى بولىپ بىرنەشە قاۋىپتى شابۋىل جاساي بىلدىك. ەكىنشى تايمدا دا ءدال سولاي وينادىق. سوڭعى 10-15 مينۋتتا ءبىزدى دوپ ءوز باقىلاۋىمىزدا جاقسى ۇستادىق. ەشقانداي قوبالجۋ بولعان جوق. دەگەنمەن, قايتالاپ ايتامىن, ەگەر بىزدە جەڭىسكە دەگەن ىنتا جوعارى بولعاندا, وزىمىزگە وڭ كەلەتىن ناتيجەگە قول جەتكىزەر ەدىك.
