اسىل مۇرانى ۇرپاققا جەتكىزۋ –پارىز. فلەشموبقا بۇكىل اۋىل, اۋدان, قالا مەكتەپتەرىنىڭ وقۋشىلارى قاتىستى. قازىر وڭىردە 4600 وقۋشى قاتىساتىن 316 توعىزقۇمالاق ويىنىنىڭ سەكتسيالارى جۇمىس جاساۋدا.
جالپى, وبلىس توعىزقۇمالاقشىلارى ەلىمىزدىڭ كوماندالىق چەمپيوناتىنىڭ 4 دۇركىن چەمپيونى بولسا, ەل كۋبوگىن 5 رەت ۇتىپ العانى دا بەلگىلى. ءتىپتى, ۇلتتىق قۇراما ساپىندا وينايتىنداردىڭ باسىم كوپشىلىگى - پاۆلودارلىق توعىزقۇمالاقشىلار. فلەشموبقا قاتىسۋشى وقۋشىلار توعىزقۇمالاق ادامدى سابىرلىققا جەتەلەيدى, اقىل-ويدى كەڭەيتەدى. ول بولاشاقتىڭ زياتكەرلىك ويىنى دەيدى. وبلىس ورتالىعىنداعى №26 مەكتەپتىڭ وقۋشىسى, نەمىس قىزى اناستاسيا فووس, كادەت كورپۋسىندا ءبىلىم الاتىن ءمادي بۇگجانوۆ, اباي اتىنداعى №10 مەكتەپتىڭ وقۋشىسى ايىم كاشكەنوۆا, №42 مەكتەپتىڭ وقۋشىسى الەكساندر راحمانەنكو مىقتى توعىزقۇمالاقشى ويىنشىلار. بارلىعى دا ەل بىرىنشىلىگىندە وبلىس نامىسىن قورعايدى.
سوندىقتان, وسى ويىننان وتكىزىلگەن فلەشموب ۇلتتىق ويىندى, سپورتتى ناسيحاتتاۋ جانە وقۋشىلاردى قىزىقتىرۋ ماقساتىندا ۇيىمداستىرىلسا, جازعى دەمالىس كۇندەرى وقۋشىلار اسىق جيناۋ شاراسىن وتكىزىپتى. الداعى ۋاقىتتا وقۋشىلاردى اسىق ويناۋ بويىنشا سەمينار-جاتتىعۋلار وتەدى. توعىزقۇمالاق ويىنىنىڭ فلەشموب شاراسىنا باۋىرجان مومىش ۇلى اتىنداعى مەكتەپ وقۋشىلارى دا بەلسەندى تۇردە قاتىستى. وتكەن جىلى شاحمات كابينەتى دە اشىلىپتى.مىسالى روزا رايىمبەكوۆا توعىزقۇمالاقتان قازاقستان جانە ازيا چەمپيونى. مەكتەپتەنى توعىزقۇمالاق ۇيىرمەسىن ماقسۇت نۇراحمەتوۆ باسقارادى.
فاريدا بىقاي
«ەگەمەن قازاقستان»
پاۆلودار
