وبلىستاعى جوعارى وقۋ ورىندارى ء«بىزدىڭ تۇلەكتەرىمىزدىڭ پالەنشە پايىزى جۇمىسقا تۇردى» دەپ ءسۇيىنشى سۇراعانىمەن ىندەتىپ ىزدەسەڭىز, سول جۇمىسقا تۇرعانداردىڭ دەنى قاعاز جۇزىندە عانا بولىپ شىعادى. وسىنداي جاعدايدا اقمولا وبلىسى كوكشەتاۋ قالاسىنداعى «نوۆوپەك» سەرىكتەستىگى وكىلدەرى «بىزگە 600 مامان جۇمىسشى كەرەك» دەپ وڭتۇستىككە ارنايى كەلىپ كەتتى.
بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىس اكىمىنىڭ ورىنباسارى ەربول سادىر ايتتى.
ەلباسى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا ەڭبەك كۇشى كوپ ايماقتان جۇمىس قولى تاپشى وڭىرلەرگە مامانداردى قونىستاندىرىپ, ەڭبەك نارىعىن جاڭعىرتۋ قاجەتتىلىگىن ايتقان بولاتىن. ەلباسىنىڭ وسى تاپسىرماسىن ورىنداۋ ماقساتىندا وبلىس اكىمى جانسەيىت تۇيمەباەۆ تاراپىنان جۇيەلى جۇمىستار جۇرگىزىلىپ جاتىر. جۇمىس قولى كەرەك وبلىستارمەن مەموراندۋمعا قول قويىلعان. سونىڭ جاقسى ناتيجەسىن وبلىس جاستارى سەزىنۋدە.
«نوۆوپەك» سەرىكتەستىگى كەدەن وداعىنىڭ نورمالارىنا سايكەس پوليپروپيلەن قاپتارى مەن جۇمساق كونتەينەرلەر شىعاراتىن زاۋىتتاردىڭ ءبىرى. 2003 جىلى قۇرىلعان كاسىپورىن پوليمەرلى وراۋ شەشىمدەرىن ازىرلەۋگە, وندىرۋگە جانە جەتكىزۋگە ماماندانعان. قازىرگى كەزدە اۋدانى شامامەن 45 مىڭ شارشى مەتردى قۇرايتىن وندىرىستىك كەشەندە 600 ادام جۇمىس ىستەيدى. كومپانيا باسشىسى كوكشەتاۋ قالاسىنداعى زاۋىتتا جۇمىس ىستەگىسى كەلەتىن ازاماتتار بولسا, ولارعا بارلىق جاعدايدى جاسايمىز دەپ سەندىرىپ وتىر. ونىڭ سوزىنشە, قازىر زاۋىتتا جۇمىس كۇشىنىڭ جەتپەۋى سالدارىنان كوپتەگەن قوندىرعىلار توقتاپ تۇر. قوسىمشا 600-دەن استام جۇمىسشى كەلسە ونىمدىلىكتى ەكى ەسەگە دەيىن ارتتىرىپ, ەۋروپا نارىعىنا دا شىعۋعا مۇمكىندىك بار. ياعني قازىر ايىنا 6 ملن داناداي قاپ تىگىلسە, ونىڭ كولەمى 11 ملن-عا دەيىن ارتادى.
كومپانيا باسشىسى وڭتۇستىككە كەلگەن ساپارىندا «زاۋىتقا نەگىزىنەن ءۇش ماماندىق – ماشينيست, وپەراتور مەن تىگىنشى قاجەت ەكەنىن ايتتى. كەلگەن جۇمىسشىلاردى الدىمەن ارنايى كۋرستاردا وقىتىپ, 40 مىڭ تەڭگەدەن ستيپەنديا بەرەمىز. ودان كەيىن جۇمىسقا قابىلدانىپ, جاتاقحانامەن قامتىلادى. جالاقىلارى 80-150 مىڭ تەڭگەنىڭ ارالىعىندا بولادى. قازىرگى تاڭدا زاۋىتتىڭ جانىنان تۇرعىن ءۇي كەشەنى سالىنۋدا. ول جەرگە 300-دەي جۇمىسشى قونىستاناتىن بولادى. سوندىقتان, ءبىز جۇمىسشىلاردى وتباسىلارىمەن كەلسە دە قابىلدايمىز. الداعى ۋاقىتتا ولارعا قالا اۋماعىنان ۇيىرگەلىك جەر ءبولۋ ماسەلەسى دە قارالىپ جاتىر», دەدى.
ءتورت كۇندىك ساپارى بارىسىندا زاۋىت باسشىلىعى تۇركىستان قالاسى مەن سايرام, سارىاعاش اۋدانىنىڭ تۇرعىندارىمەن كەزدەستى.
وڭتۇستىكتىڭ جۇمىسقا قات جاستارى ءۇشىن بۇل اسپاننان التىن جاۋعان كۇنمەن تەڭ بولىپ تۇر.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
