الەمدە جىل سايىن ميلليونداعان ادام العاشقى كومەك دەر كەزىندە كورسەتىلمەۋى سالدارىنان قايتىس بولادى ەكەن. سوندىقتان كەز كەلگەن ادام جەدەل جاردەم جەتكەنشە كورسەتىلەتىن العاشقى كومەكتى بىلگەنى ءجون. مىسالى, جول اپاتىنان قاتتى جاراقات العان, جۇرەگى كەنەت توقتاعان جاندارعا شۇعىل كومەك كورسەتسە, ولاردىڭ ءومىرىن امان ساقتاپ قالۋعا بولادى ەكەن.
دەنساۋلىق ساقتاۋ مينيسترلىگىنە قاراستى رەسپۋبليكالىق سانيتارلىق اۆياتسيا ورتالىعىنىڭ قىزمەتكەرلەرى توسىن جاعدايلاردا قانداي ارەكەت ەتۋ كەرەكتىگىن جينالعاندارعا كورسەتتى. جۋرناليستەرگە ءيىس تيسە تازا اۋا جۇتقىزۋ, قان توقتاتۋ, جارانى تاڭۋ, سىنعان اياقتىڭ نەمەسە قولدىڭ قوزعالىسىن تەجەۋ, جاساندى دەم الدىرۋ, جۇرەككە جابىق ماسساج جاساۋ سەكىلدى تاسىلدەر جاتتىعۋ تۇرىندە ءتۇسىندىرىلدى.
جالپى, العاشقى كومەك كورسەتۋ تاسىلدەرىن ۇيرەنگىسى كەلگەن ادامدار رەسپۋبليكالىق سانيتاريالىق اۆياتسيا ورتالىعىنا كەلىپ, ارنايى كۋرستان وتۋگە بولادى. بۇگىنگى تاڭدا جاتتىقتىرۋشىلار ەلىمىزدەگى بارلىق مەديتسينالىق ۇيىم قىزمەتكەرلەرىن ۇيرەتىپتى. ەندى مۇعالىمدەردى دە وقىتا باستاعان. كەلەشەكتە حالىق كوپ جۇرەتىن قوعامدىق ورىنداردىڭ قىزمەتكەرلەرىن العاشقى كومەك كورسەتۋ تاسىلدەرىن ۇيرەتۋ جوسپاردا بار.
