وعان بەلگىلى عالىمدار, جازۋشىلار, پارلامەنت دەپۋتاتتارى, وبلىس باسشىلارى مەن قوستاناي جۇرتشىلىعى مەن قالا قوناقتارى قاتىستى.
وبلىس اكىمى ارحيمەد مۇحامبەتوۆ وبلىس جۇرتشىلىعى مەن قوناقتاردى ەسكەرتكىشتىڭ اشىلۋىمەن قۇتتىقتادى, ونىڭ جاسالۋىنا قول ۇشىن سوزعان بارلىق ازاماتتارعا العىس ايتتى. ايماق باسشىسى حالقىمىزدىڭ ۇلتتىق ماقتانىشىنىڭ ءبىرى قولباسشى, مامىلەگەر, مەملەكەت قايراتكەرى, باتىر جانىبەك شاقشاق ۇلىنا ورناتىلعان ەسكەرتكىش ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعان مەجەلى مىندەتتەردى جۇزەگە اسىرۋدىڭ تاماشا كورىنىسى ەكەنىن ايتتى.
«جانىبەك تارحانعا ورناتىلعان ەسكەرتكىشتىڭ ورنى دا بەكەر تاڭدالعان جوق. اۋەجايدان كەلگەن قوناقتار بابامىزدىڭ ۇلتتىق رۋحتى كوتەرەتىن ەڭسەلى ەسكەرتكىشىنە قاراپ, ەلدىگىمىزگە, بىرلىگىمىزگە ءسۇيسىنسىن دەگەن نيەتپەن قالانىڭ باستى قاقپاسىنا ورناتتىق», دەدى ارحيمەد بەگەجان ۇلى.
جانىبەك باتىردىڭ كىندىك قانى تورعايدىڭ قۇنارلى توپىراعىندا تامعان بولاتىن. جەرگىلىكتى جەردە جانىبەك باتىرعا قوستاناي قالاسىندا ەڭسەلى ەسكەرتكىش ورناتۋ جونىندە باستاما كوتەرىلىپ, ونى بەلگىلى اكادەميك, قوعام قايراتكەرى كەنجەعالي ساعاديەۆ قولدادى. «جانىبەك تارحان» اتتى قوعامدىق قور قۇرىلىپ, ەسكەرتكىش تۇگەلدەي سول قور قارجىسىنا ورناتىلدى.
«شاقشاق جانىبەك قيلى زاماندا قالماقتىڭ باتىرىن جەكپە-جەكتە جەڭگەن حاس باتىردىڭ ءبىرى. مامىلەگەر رەتىندە كورشى ەلدەرمەن قاتىستى, ەلدىڭ ەلدىگىن, بىرلىگىن ارتتىرۋعا, مەملەكەتتىكتى جاساۋعا اتسالىسقان. حالقى قۋاتتى مەملەكەت, ونىڭ ەركىندىگى, تاۋەلسىزدىگى بولۋىن اڭساعان ەدى», دەدى ەسكەرتكىش ورناتۋدا باستاماشىل توپقا جەتەكشىلىك جاساعان بەلگىلى اكادەميك, ساياسي قايراتكەر كەنجەعالي ساعاديەۆ.
ەسكەرتكىشتىڭ اۆتورى بەلگىلى ءمۇسىنشى قادىرحان كاكىموۆ.
ءنازيرا جارىمبەت,
«ەگەمەن قازاقستان»
قوستاناي
