«مۇنداي وقيعالار قازاقستاندىقتاردىڭ باسىم بولىگىن تەلەديدار الدىنا جينايدى. بۇل وتە ماڭىزدى كەزدەسۋ. مەكسيكالىق الۆارەس - وتە تانىمال ادام, جوعارى ساناتتاعى بوكسشى», - دەدى ەلباسى.
مەملەكەت باسشىسى بۇل كەزدەسۋدە وتانداسىمىز گەننادي گولوۆكيننىڭ جەڭىسكە جەتەتىندىگىنە ءۇمىت ارتاتىندىعىن باسا ايتتى.
«ول ورتا سالماقتا كاسىبي بوكستىڭ كورولىنە اينالىپ, مۇحامەد ءالي مەن مايك تايسونمەن ءبىر قاتاردا تۇرادى دەپ سەنەمىن. بۇل ول ءۇشىن وتە ماڭىزدى. وعان ۇلكەن تابىستار تىلەيىك. وسى ۋاقىتتا كورشىلەرىمىزگە ساپارلايتىندىعىما قاراماستان كورەمىن. بارلىعىمىز دا وعان جانكۇيەر بولامىز», - دەدى نۇرسۇلتان نازارباەۆ.
ەستەرىڭىزگە سالا كەتەيىك, بۇگىن قازاقستان پرەزيدەنتى اقوردادا وتاندىق جانە شەتەلدىك جۋرناليستەرگە سۇحبات بەرۋدە. شارا بارىسىندا نۇرسۇلتان نازارباەۆ كۇنى كەشە اياقتالعان ەكسپو-2017 كورمەسىنىڭ باستى جەتىستىگىن باسا ايتىپ, شىعىندالعان قارجىنىڭ ورنى تولعانىن جەتكىزدى.
