ەكى مىڭعا جۋىق ادام جينالعان اۋقىمدى فەستيۆال جانۇيالىق قۇندىلىقتاردى ساقتاۋ مەن جاس ۇرپاققا رۋحاني-ونەگەلىك تاربيە بەرۋدى كوزدەيتىن مۋزەيلىك جاڭا مادەني-ءبىلىم بەرۋ باعدارلاماسىن ىسكە اسىرۋ ماقساتىندا ۇيىمداستىرىلعان. مۋزەيلىك ءبىلىم بەرۋ باعدارلاماسى كەلۋشىلەردىڭ ەلىمىزدىڭ تاريحى جانە مادەنيەتىمەن جاقىن تانىسۋىنا, مۋزەيلىك پەداگوگتار مەن كەلۋشىلەر اراسىنداعى تىعىز قارىم-قاتىناس قالىپتاستىرۋعا ىقپال ەتەتىن تاريحي كۆەستتەردەن, ءتۇرلى بايقاۋلار مەن شەبەرلىك ساباقتارىنان, تاقىرىپتىق ساباقتار مەن ەكسكۋرسيالاردان تۇراتىندىقتان, فەستيۆالگە ءبىلىم بەرۋ مەكەمەلەرى, سۋرەتشىلەر, ساندىك-قولدانبالى ونەر شەبەرلەرى, بالالارعا ارنالعان دامىتۋ ورتالىقتارى مەن يزوستۋديالار, شىعارماشىلىق جانە مۋزىكالىق ۇجىمدار ايرىقشا قىزىعۋشىلىق تانىتقان.
الماتى قالاسىنداعى كوركەمونەر مەكتەپتەرى مەن بالالار يزوستۋديالارىنىڭ «مەنىڭ قالامنىڭ كەلەشەگى – مەنىڭ وتباسىمنىڭ كەلەشەگى» اتتى بالالار شىعارماشىلىعىنىڭ كورمەسىنە قويىلعان «كوك-ايشىق», «الىە پارۋسا», ليدي دروزدوۆانىڭ «ارت-ماستەرسكايا», «كلياكسا», م.وماروۆا يزوستۋدياسى, «ۆەسەلايا روماشكا» سياقتى بىرقاتار وقۋ ورتالىقتارى شاكىرتتەرىنىڭ جۇمىستارىنان قالا كەلەشەگى مەن قورشاعان ورتاعا قاتىستى بالالار كوزقاراسىن اڭعاراسىز.
فەستيۆال اياسىندا مۋزەيدىڭ بارلىق كەلۋشىلەرىنە ارنالعان «بۇل نە جانە قايدا؟», «التىن ۇيام – وتباسىم», «مۋزەي پورترەتى», ء«تۇپ-تۇقياننان وزىمە شەيىن», «سۇر مەرگەن», ء«بىز مۋزەي سۇيەر وتباسىمىز», «داۋىرلەر تۇڭعيىعىنان بۇگىنگە دەيىن», «مەنىڭ وتباسىمنىڭ ەلتاڭباسى», «مىقتى, ەپتى, باتىل!» اتتى ۆيكتورينالار مەن بايقاۋلاردان وزگە, «قىزىل كىتاپ بەتتەرى بويىنشا», «اكە كورگەن وق جونار, شەشە كورگەن تون پىشەر» اتتى تاقىرىپتىق ساباقتارعا, «پالەونتولوگيا مەن ارحەولوگيا الەمىنە ساياحات», «اجەمنىڭ ساندىعىنداعى زاتتاردىڭ تاريحى» اتتى تاريحي كۆەست-ويىندارىنا قاتىسۋشىلار تەك كوڭىل كوتەرىپ قانا قويماي, ماراپات قاعازدارى مەن ارنايى سىيلىقتارعا يە بولدى. سونداي-اق, ەلىمىزدىڭ جەتەكشى سۋرەتشىلەرى مەن قولونەر شەبەرلەرىن مۋزەيگە ارنايى شاقىرا وتىرىپ, «شەبەردىڭ قولى – التىن», ء«وز وتباسىڭنىڭ پورترەتىن جاسا», ء«وز زەرگەرلىك بۇيىمىڭدى جاسا» سىندى شەبەرلىك ساباقتارىن وتكىزدى.
«وتباسى. تۇرمىس. قۇندىلىقتار» كورمەسىنە قويىلعان ءحىح عاسىردىڭ سوڭى مەن حح عاسىرداعى قازاق وتباسىلارىنىڭ تۇرمىس-تىرشىلىگىن بەينەلەيتىن, ۇرپاقتار ساباقتاستىعى مەن وتباسىلىق قۇندىلىقتاردى, ۇلتتىڭ ءداستۇرلى تىنىس-تىرشىلىگىن سيپاتتايتىن بىرەگەي فوتوسۋرەتتەر قاتارىن فەستيۆالگە قاتىسۋشى وتباسىلاردىڭ جەكە مۇراعاتتارىنان الىنعان ايرىقشا ەستەلىكتەر قاتارى تولىقتىرعان ەكەن.
فەستيۆالگە قاتىسقان 80-گە جۋىق وتباسىنىڭ ىشىندە 7 ۇزدىك وتباسىعا ارناپ مۋزەي قىزمەتكەرلەرى ەكسپوزيتسيالىق زالدار بويىنشا «قازاقستان تاريحىنىڭ ءتۇرلى كەزەڭدەرى» اتتى وتباسىلىق ەكسپەديتسياسىنىڭ پاسپورتىن تابىستادى. جەڭىمپاز وتباسىلار جىلدىڭ سوڭىنا دەيىن مۋزەيدىڭ ەكسپوزيتسيالىق زالدارىنا تەگىن كىرۋ سەرتيفيكاتىنا يە بولدى. سونداي-اق, «التىن ۇيام – وتباسىم» وتباسىلىق بايقاۋى, بالالاردان قۇرالعان مۋزىكالىق ۇجىمداردىڭ ونەر كورسەتۋى, شەبەرلىك ساباقتارى ءوتتى.
جىل سوڭىنا دەيىن جالعاساتىن «وتباسىلىق جادىگەردى مۋزەيگە سىيلا!» ارنايى اكتسياسىنا قاتىسىپ, مۋزەيلىك ءمانى بار, ەتنوگرافيالىق مازمۇنداعى بۇيىمداردى مۋزەي قورىنا سىيعا تارتۋشىلار قاتارىندا قازاقستاننىڭ ەڭبەك سىڭىرگەن قايراتكەرى, ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ءارتىسى كۇلجاميلا بەلجانوۆا مەن اكتەر يسبەك ءابىلماجىنوۆ بەلگىلى تەاترتانۋشى, قازاقستاننىڭ ەڭبەك سىڭىرگەن مادەنيەت قىزمەتكەرى, پەداگوگ گالينا رۋتكوۆسكاياعا قاتىستى ماتەريالداردى مۋزەي قورىنا تاپسىردى.
ميرا بايبەك,
«ەگەمەن قازاقستان»
الماتى
