وندا ينفراقۇرىلىمداردى دامىتۋ جونىندەگى 2015-2019 جىلدارعا ارنالعان «نۇرلى جول» مەملەكەتتىك باعدارلاماسىنىڭ شەڭبەرىندە اپاتتى جانە 3 اۋىسىمدى مەكتەپتەردى جويۋ, مەكتەپكە دەيىنگى ۇيىمدارداعى ورىن جەتىسپەۋشىلىگىن ازايتۋ ماسەلەسى قارالدى. جازعى دەمالىستا بۇل ماسەلەلەرمەن دايەكتى تۇردە تانىسقان دەپۋتاتتار قىزۋ بەلسەندىلىك كورسەتتى. قارالعان ماسەلە بويىنشا بايانداما جاساعان جانە بارلىق سۇراقتارعا جاۋاپ بەرگەن ءبىلىم جانە عىلىم ۆيتسە-ءمينيسترى بيبىگۇل اسىلوۆا بولدى. ول قولىندا بار مالىمەتتەردى بايانداپ, ەلىمىزدىڭ كەيبىر ايماقتارىندا ءالى دە اپاتتى جانە 3 اۋىسىمدى مەكتەپتەردىڭ قالىپ وتىرعانىن جەتكىزدى. ۇلتتىق قوردان وسى ماقساتتارعا بولىنگەن قاراجاتتىڭ جالپى كولەمى 72 ملرد تەڭگە بولعان. وعان 112 مەكتەپتە قۇرىلىس ءجۇرىپ جاتىر, سونىڭ 56-سى قۇرىلىسى بۇرىننان جالعاسۋدا, ال 56-سى جاڭا مەكتەپتەر. بيىلعى جىلدىڭ 1 قىركۇيەگىندە 52 مەكتەپ پايدالانۋعا بەرىلگەن. ولاردىڭ ىشىندەگى 45 مەكتەپ 2016 جىلدان اۋىسقان, 7 مەكتەپتىڭ قۇرىلىسى بيىل باستالىپ, بيىل اياقتالعان. جەتى ايماقتىڭ 42 مەكتەبىندە ءۇش اۋىسىم جويىلعان جانە 5 وڭىردە 9 اپاتتى مەكتەپتىڭ ورنىنا جاڭا مەكتەپ عيماراتى سالىنعان.
كەيبىر وبلىستاردا قۇرىلىس جۇمىستارىنىڭ سىزباعا سايكەس بولماي, دايىندىق ساپىنا ەنگىزىلمەي تۇرعاندىعى جونىندە دە تۇسىنىكتەر بەرىلدى. دەپۋتات قۇدايبەرگەن ەرجان وڭتۇستىك قازاقستان وبلىسىنداعى مەملەكەتتىك ساتىپ الۋ جۇمىستارى بويىنشا ەكى مەكتەپتىڭ قۇرىلىسى توقتاپ, 2 ملرد تەڭگە قاراجاتتىڭ يگەرىلمەي قالۋىنىڭ قانداي سەبەبى بار دەپ سۇرادى. وعان ۆيتسە-مينيستر وڭتۇستىكتەگى جاعدايدى ماقتاپ, بارلىق بولىنگەن 17 ملرد تەڭگەنىڭ 96,7 پايىزى يگەرىلىپ, سالىنۋعا ءتيىستى 19 مەكتەپتىڭ 16 پايدالانۋعا بەرىلگەنىن ايتتى. قالعان 3 مەكتەپتىڭ قۇرىلىسى جىل اياعىندا بىتەدى, دەدى ب.اسىلوۆا. الايدا دەپۋتات بۇل جاۋاپقا قاناعاتتانباي مەملەكەتتىك ساتىپ الۋ پروتسەسى بويىنشا تۋعان داۋدان تۇتاستاي ءبىر اۋىلدىڭ بالالارى مەكتەپكە بارا الماي قالدى, ماعان جاۋاپتى جازباشا, تولىقتاي بەرۋىڭىزدى وتىنەمىن دەدى.
دەپۋتات اباي تاسبولاتوۆ «قۇرىلىس جۇمىستارىنىڭ ورىندالۋ مەرزىمىن كەيىنگى ۋاقىتتارعا اۋىستىرۋ مۇمكىندىكتەرى بار دەگەنىڭىزدى قالاي تۇسىنۋگە بولادى, ول قۇرىلىس-مونتاج جۇمىستارى ما, الدە اقشا قاراجاتىنىڭ اۋدارىلۋىنا قاتىستى ما؟ وسىنداي وزگەرتۋلەر قانداي قۇجاتتارعا سۇيەنىپ جاسالادى؟», – دەدى دەپۋتات. وعان ب.اسىلوۆا ۇكىمەت بەكىتكەن بيۋدجەتتىك باعدارلامالاردى جەرگىلىكتى اكىمدىكتەردىڭ ءوتىنىشى بويىنشا مينيستر وزگەرتەتىنىن ايتتى. الايدا وسىنىڭ ءوزى دۇرىس ەمەس ەكەنىن, مينيسترلىك ۇكىمەت بەكىتكەن باعدارلامانى ايرىقشا جاعدايدا عانا وزگەرتۋگە ءتيىستى ەكەنىن اتاپ ءوتتى.
باسقا دەپۋتاتتار دا وزدەرىن تولعاندىرعان سۇراقتارىن قارشا بوراتتى. سونىڭ ىشىندە 18 ملن عانا حالقى بار قازاقستاندا ءۇش اۋىسىمدى مەكتەپتىڭ ءالى كۇنگە تولىقتاي جويىلماي وتىرعانىنا دەپۋتاتتار قىنجىلىس ءبىلدىردى. تالقىلاۋ قورىتىندىلارى بويىنشا كوميسسيانىڭ ۇسىنىستارى ازىرلەنىپ, ول شارا قولدانۋ ءۇشىن ۇكىمەتكە جولداناتىن بولدى.
جاقسىباي سامرات,
«ەگەمەن قازاقستان»
