قاتىسۋشى مەملەكەتتەر كورمەنى ۇيىمداستىرۋشىلارعا پاۆيلونداردى باستاپقى تۇردە تاپسىرۋ ماقساتىندا ەكسپوناتتاردى شىعارىپ, ىشكى قۇرىلىس قۇرىلىمدار دەمونتاجىن, سونداي-اق, تازالاۋ مەن جوندەۋ جۇمىستارىن جۇرگىزۋى قاجەت, دەپ حابارلايدى «استانا ەكسپو-2017» اق-تىڭ قوعاممەن بايلانىس دەپارتامەنتى.
اتالعان پروتسەسس 15 جەلتوقسانعا دەيىن اياقتالۋى ءتيىس.
ساۋلەت دەپارتامەنتى جانە حالىقارالىق قاتىسۋشىلارمەن جۇمىس اتقارۋ دەپارتامەنتى دەمونتاج پروتسەسىنە باقىلاۋ جۇرگىزەدى.
كورمەنىڭ باستى نىسانى «نۇر الەم» سفەراسى بولاشاق مۇراجايى رەتىندە قىزمەتىن جالعاستىرادى.
115 مەملەكەت پەن 22 حالىقارالىق ۇيىم قاتىسقان «استانا «ەكسپو-2017» حالىقارالىق مامانداندىرىلعان كورمەسى 10 قىركۇيەكتە اياقتالعانىن ەسكە سالامىز.
الدىن الا بولجام بويىنشا 2 ملن كەلۋشى كۇتىلگەن, الايدا كەلۋشىلەردىڭ جالپى سانى 3 977 545 ادامدى قۇرادى.
