الەم حالىقتارىنىڭ 40 %-نان استامى لاتىن نەگىزدى جازۋ ءتۇرىن پايدالانادى. ەلباسى ن.ءا.نازارباەۆ حالىققا جولداۋىندا «قازاق ءالفاۆيتىن 2025 جىلدان باستاپ لاتىن گرافيكاسىنا كوشىرۋ ءۇشىن دايىندىقتى وسى باستان قولعا الۋ قاجەت. بۇل قازاق ءتىلىن جاڭعىرتىپ قانا قويماي, ونى وسى زامانعى اقپارات تىلىنە اينالدىرادى» دەگەن بولاتىن. انىعىندا, وسى ءالىپبيدى تۇتىنۋشى ەلدەردىڭ الەمدىك وركەنيەت پەن مادەنيەتتەگى, عىلىم مەن تەحنيكا, مەديتسينا, ت.ب. سالالارداعى جەتىستىكتەرى مەن ونىمدەرى دە جوعارى ناتيجەدە ەكەندىگىن كورىپ وتىرمىز. دەمەك, ەلىمىزدىڭ الەم ەلدەرىمەن باسەكەگە تۇسۋىنە لاتىن الىپبيىنە نەگىزدەلگەن قازاق جازۋى كەرەك. قازاق ۇلتىنا قاجەتتى نارسە جالپى زياتكەرلىك پەن الەمدىك دەڭگەيدەگى ءبىلىم. ال بۇلارعا باستار قادام جاقىن ۋاقىتتا لاتىن الىپبيىنە كوشۋ دەپ ەسەپتەيمىز. ۇيالى بايلانىستاعى حابارلامالار مەن ينتەرنەت جۇيەسى بويىنشا حابارلامالاردىڭ كوپشىلىگى وسى گرافيكامەن جازىلۋدا, سوندىقتان لاتىن ءالىپبيىن مەڭگەرۋ قيىنعا تۇسپەيتىنى انىق.
لاتىن گرافيكاسىنا نەگىزدەلگەن ءالىپبي جۇيەسىنىڭ تيىمدىلىگىن ءتىلشى عالىمداردىڭ كوپشىلىگى قولداپ وتىر.
سونىمەن, لاتىن الىپبيىنە كوشۋ – ءتىلىمىزدىڭ تابيعي قالپىن ساقتاۋى ءۇشىن, قازاق تىلىندە كومپيۋتەرلىك جاڭا تەحنولوگيالار ارقىلى حالىقارالىق اقپارات كەڭىستىگىنە ەنۋىنە جول اشىلىپ, ەلىمىزدىڭ جاڭا زامان تالابىنا ساي ءوسىپ-وركەندەۋى جانە شەتەلدەگى قازاقتارمەن رۋحاني, مادەني, عىلىمي, ەكونوميكالىق قارىم-قاتىناستى نىعايتۋ ءۇشىن دە ءتيىمدى بولماق.
گۇلناز كارىپجانوۆا,
س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ كانديداتى
