قازاقستان حالقى اسسامبلەياسى توراعاسىنىڭ ورىنباسارى ا.حامەدوۆ: «لاتىن الىپبيىنە قازاق ءتىلىنىڭ كوشۋى كەزەگىن كۇتتىرمەيتىن, ءوز ۋاقىتىندا قولعا الىنعان يگىلىكتى شارا. ەلباسى «حابار» تەلەارناسىنا بەرگەن سۇحباتىندا ونىڭ ءمانى-جايىن ەگجەي-تەگجەيلى ايتىپ, ۇلت ەرتەڭى ءۇشىن جاساعالى وتىرعان باعالى قادام دەپ ءتۇسىندىردى. بۇل ىسكە مەملەكەتىمىزدە ءومىر ءسۇرىپ وتىرعان بارلىق ەتنوس وكىلدەرى ءبىر كىسىدەي اتسالىسۋى كەرەك», دەدى.
جيىننىڭ مودەراتورى بولعان الماتى قالاسى حالىق اسسامبلەياسى فيليالى توراعاسىنىڭ ورىنباسارى ك.مامسۋروۆ جيىندى وتە جيناقى جۇرگىزىپ, جۋىردا عانا پارلامەنتتە تالقىلانعان لاتىن ءالىپبيىنىڭ ۇسىنىلعان نۇسقاسىنا قاتىستى ءارتۇرلى پىكىرلەردىڭ ايتىلىپ جاتقانىن ءسوز ەتتى. «باربانگ» كۇرد قاۋىمداستىعى توراعاسى ك.ميرزوەۆ: ء«بىز لاتىنعا كوشپەيمىز. وعان ورالامىز. ويتكەنى قازاق ەلى وتكەن عاسىردىڭ باسىندا وسى گرافيكامەن وقىعان. قازاق ءتىلىنىڭ تاريحىندا نەشە ءالىپبي بولدى, سول وتكەلدەردىڭ بارىنەن امان ءوتىپ كەلە جاتىر. ەندى بۇل الىپبيگە دە كوشىپ, رۋحاني قۇندىلىقتاردى بولاشاققا امان جەتكىزەدى», دەپ ءتىلدىڭ تاريحى تۋرالى, لاتىن ءالىپبيىنىڭ قازاق تىلىنە يكەمدىلىگى تۋرالى ايتتى. الماتى قالاسى تىلدەردى دامىتۋ باسقارماسىنىڭ جەتەكشىسى م.احەتوۆ: «ەلباسى باستاماسىنداعى لاتىن الىپبيىنە كوشۋ جۇمىسى قوعامدا قىزۋ تالقىعا سالىنىپ وتىر. نۇرسۇلتان نازارباەۆ قازاق ءتىلى مەن ورىس ءتىلىنىڭ ەندىگى جاعدايىن انىق ايتتى. ورىس تىلىندەگى باسىلىمدار كيريلل ارپىمەن شىعا بەرەدى. قازاق ءتىلى دەربەس داميدى», دەدى.
ءتىل – كەز كەلگەن مەملەكەتتىڭ, ۇلتتىڭ بىرىكتىرۋشىسى. مەملەكەتتىك ءتىلدىڭ ەلىمىزدەگى مارتەبەسى لاتىن الىپبيىمەن بەكي ءتۇسىپ, جەتەكشى تىلدىك كۇشكە اينالادى دەپ قورىتىندى جاسادى جيىنعا قاتىسۋشىلار.
باعاشار تۇرسىنباي ۇلى,
«ەگەمەن قازاقستان»
الماتى
