وڭىرارالىق ىنتىماقتاستىق فورۋمىنا قازاقستان مەن قىتايدىڭ مەملەكەت باسشىلارى نۇرسۇلتان نازارباەۆ پەن سي تسزينپين باستاماشى بولدى.
قازاقستان تاراپىنان فورۋمعا وڭىرلەردىڭ باسشىلارى قاتىسۋدا: شىعىس قازاقستان وبلىسىنىڭ اكىمى دانيال احمەتوۆ, قوستاناي وبلىسىنىڭ اكىمى ارحيمەد مۇحامبەتوۆ, وبلىس اكىمدەرىنىڭ ورىنباسارلارى, قر مينيسترلىكتەرىنىڭ, ۇلتتىق كومپانيالارىنىڭ, بيزنەس قاۋىمداستىقتارىنىڭ وكىلدەرى. قىتاي تاراپىنان – پروۆينتسيالاردىڭ باسشىلارى, قحر مەملەكەتتىك ورگاندارىنىڭ جانە ءىرى كومپانيالارىنىڭ باسشىلارى.
ء«بىزدىڭ مەملەكەتتەرىمىزدىڭ باسشىلارىنىڭ باستاماسىمەن ۇيىمداستىرىلعان فورۋم ەلدەرىمىزدىڭ اراسىنداعى دوستىقتى, تاتۋ كورشىلىكتى جانە ستراتەگيالىق سەرىكتەستىكتى نىعايتۋعا جاڭا سەرپىن بەرەدى», - دەدى اسقار مامين جانە «قر مەن قحر وڭىرارالىق ىنتىماقتاستىعىنىڭ وزەكتى ماسەلەلەرى بويىنشا ەكىجاقتى ديالوگ پەن ءتيىمدى كەڭەسۋ ۇشىن بىرەگەي الاڭ رەتىندە فورۋمنىڭ ماڭىزدىلىعىن» اتاپ ءوتتى.
قر پرەمەر-ءمينيسترىنىڭ ءبىرىنشى ورىنباسارى «نۇرلى جول» باعدارلاماسىن ء«بىر بەلدەۋ – ءبىر جول» جوباسىمەن ۇشتاستىرۋ تۇرعىسىنان فورۋمنىڭ دەر كەزىندە وتكىزىلىپ وتىرعاندىعىن اتاپ ءوتتى.
«مەملەكەت باسشىسى نۇرسۇلتان نازارباەۆتىڭ «جىبەك جولى ەكونوميكالىق بەلدەۋىن» «نۇرلى جول» باعدارلاماسىمەن ۇشتاستىرۋ بويىنشا باستاماسى ينۆەستيتسيالار تارتۋعا جانە ينفراقۇرىلىمدىق جوبالار بويىنشا ەكى ەلدىڭ ءىس-ارەكەتىن ۇيلەستىرۋگە مۇمكىندىك بەردى», - دەپ اتاپ ءوتتى ا. مامين جانە ەكى ەلدىڭ ەكونوميكالارىنىڭ باسەكەگە قابىلەتتىلىگىن ارتتىراتىن جوبالاردىڭ تابىستى ىسكە اسىرىلىپ جاتقاندىعىن باسا ايتتى.
ەكى ەلدىڭ ەكونوميكالىق ءوسىمىنىڭ, ساۋدا, ينۆەستيتسيالىق, كولىك-ترانزيتتىك ىنتىماقتاستىعىن دامىتۋدىڭ ىرگەتاسى رەتىندە فورۋمنىڭ ماڭىزدىلىعىن اتاپ وتكەن ا. مامين 2015 جىلعى جەلتوقساندا قول قويىلعان قر مەن قحر-دىڭ 2015-2020 جىلدارعا ارنالعان شەكارا ماڭىنداعى ىنتىماقتاستىق باعدارلاماسىن «قازاقستان مەن قىتايدىڭ شەكارا ماڭىنداعى وڭىرلەر اراسىنداعى ىنتىماقتاستىعىنىڭ ماڭىزدى قۇجاتتارىنىڭ ءبىرى» دەپ اتادى.
«قازاقستاننىڭ بارلىق 16 ءوڭىرى ءتۇرلى پروۆينتسيالارداعى قىتاي كومپانيالارىمەن ىسكەرلىك بايلانىس ورناتقان جانە بىرلەسىپ ىسكە اسىرىپ جاتقان جوبالار بار», - دەپ اتاپ ءوتتى ا. مامين.
قر پرەمەر-ءمينيسترىنىڭ ءبىرىنشى ورىنباسارى XIV ەكسپو «قىتاي-اسەان» جۇمىسىنا قاتىستى جانە قازاقستاننىڭ ۇلتتىق پاۆيلونىن اشتى. قازاقستاندىق پاۆيلوندا وتاندىق وندىرۋشىلەردىڭ ونىمدەرىنىڭ ءار ءتۇرى بار 20 ستەند ۇسىنىلعان.
«قازاقستاننىڭ XIV ەكسپو «قىتاي-اسەان» جۇمىسىنا قاتىسۋى «نۇرلى جول» جانە «جىبەك جولى ەكونوميكالىق بەلدەۋىنىڭ», قازاقستاننىڭ, قىتاي مەن وڭتۇستىك-شىعىس ازيا مەملەكەتتەرى قاۋىمداستىعى مۇشەلەرىنىڭ دامۋ باعدارامالارىن ودان ءارى ۇشتاستىرۋعا قوسىمشا سەرپىن بەرەدى», - دەپ اتاپ ءوتتى ا. مامين.
قحر-عا ساپارى اياسىندا قر پرەمەر-ءمينيسترىنىڭ ءبىرىنشى ورىنباسارى China National Chemical Engineering Co.Ltd, China General Technology Holding Ltd, CITIC Group, Xin Xin Corporation, China Railways Engineering Group Co, TBEA Heng Yang Transformer Co جانە باسقالارى سياقتى ءىرى قىتايلىق كومپانيالاردىڭ باسشىلارىمەن كەزدەسۋلەر وتكىزدى.
وڭىرارالىق ىنتىماقتاستىق فورۋمى اياسىندا «باتىس ماركا لامب» قازاقستاندىق ەت وڭدەۋ كومپانياسىنىڭ توراعاسى راحىمجان يسماعامبەتوۆ پەن Zheng&Agrotechnology Co. Ltd قىتايلىق كومپانياسىنىڭ توراعاسى لي سيانمين قحر-عا قوي ەتىن ەكسپورتتاۋ ۇشىن 30 مىڭ مال باسىن سويۋعا ارنالعان زاماناۋي مال بورداقىلاۋ الاڭىن قۇرۋ جونىندەگى مەموراندۋمعا قول قويدى. شەتەل ينۆەستيتسيالارىنىڭ كولەمى $47 ملن قۇرايدى. جوبا 2018 جىلى ىسكە اسىرىلادى. اعىمداعى جىلى قۋاتتىلىعى كەزەگىنە 1,5 مىڭ قوي بولاتىن «باتىس ماركا لامب» ەت كومبيناتى يرانعا قوي ەتىن ەكسپورتتاۋدى باستادى.
سونداي-اق, «Kazakh Invest» ۇك» اق باسقارما توراعاسى ماقسات قاباشەۆ پەن Silver Tiger Capital كومپانياسىنىڭ باسشىسى تسۋي لۋنفەي $250 ملن كاپيتالداندىرۋمەن بىرلەسكەن ينۆەستيتسيالىق قور قۇرۋ بويىنشا ىنتىماقتاستىق تۋرالى نەگىزدەمەلىك كەلىسىمگە قول قويدى.
«Aitey Group» حولدينگىنىڭ باسقارما توراعاسى سەيىتجان ەسىموۆ پەن Stone Stock كومپانياسىنىڭ باسقارما توراعاسى حۋ تسزينپەي ستراتەگيالىق سەرىكتەستىك تۋرالى كەلىسىمگە قول قويدى.
