تاتارستاننىڭ قازان فەدەرالدى ۋنيۆەرسيتەتىندە وتكەن كونفەرەنتسيا استرونوميا نىساندارىنىڭ عارىش زەرتتەۋلەرىنە, گالاكتيكالار مەن استروفيزيكا جۇلدىزدارىنا, الەم تۋرالى قازىرگى زامانعى يدەيالارعا ارنالىپتى.
باستىسى, «Space science» اتتى مەكتەپ كونفەرەنتسياسى قاتىسۋشىلارىنا باياندامالاردى ايگىلى وقىمىستىلار, استرونوميا جانە عارىش سالاسىنداعى ماماندار وقىدى. وبلىس ورتالىعىنداعى وقۋشىلار سارايىنىڭ ادىسكەرى اسەم ايىپوۆانىڭ ايتۋىنشا, بۇل جيىنعا رەسەيلىك وقۋشىلار جانە پاۆلودارلىق وقۋشىلار سارايىنىڭ گۇلنار باۋبەكوۆا باسقاراتىن «انتارەس» استروكلۋبىنىڭ مۇشەلەرى قاتىسىپتى. قاتىسۋشىلارعا عارىش تاقىرىبىنا ساي بايقاۋلار وتكىزىلدى. مىسالى, ەرەنعايىپ قوبلاندى «جاستار مەكتەبىنىڭ ەمبلەماسى» اتتى نوميناتسيا بويىنشا قازان قالاسىنىڭ باستى كورىكتى جەرلەرىن, ەنگەلگاردت اتىنداعى وبسەرۆاتوريانى, قازان فەدەرالدى ۋنيۆەرسيتەتىن سۋرەتكە سالىپ, جاستار وقيتىن مەكتەپتىڭ ەمبلەماسىن اق قاعاز بەتىنە سومداپ, «جاستار مەكتەبىنىڭ ەمبلەماسى» جانە «استرونوميالىق سۋرەت» اتتى نوميناتسيالار بويىنشا ءوز ءبىلىمىن جوعارى دارەجەدە كورسەتىپ, ءۇشىنشى ورىنعا قول جەتكىزدى. ال, الەكسەي بەليچەنكو بولسا «استرونوميالىق سوزجۇمباق» اتتى نوميناتسياسى بويىنشا استروفيزيكا, استرونوميا, كوسموناۆتيكا سالالارى بويىنشا سوزجۇمباق قۇراپ 3-ءشى ورىنعا جايعاستى. ءامىر قاراتاي «استرونوميالىق سۋرەت» اتتى نوميناتسياسى بويىنشا شىعارماشىلىق بايقاۋدا 2-ءشى ورىنعا لايىق دەپ تانىلدى.
عارىش تاقىرىبىنا ارنالعان شىعارماشىلىق سايىستا ءامىر قولىنا قىلقالام الىپ, ءتۇرلى-ءتۇستى بوياۋلارمەن استرونومياعا بايلانىستى ءوزىنىڭ ەڭبەكتەرىن شەبەر سالىپ, قازان قالاسىنىڭ بولاشاق اسپانىن سالدى. وقۋشىلار سارايىندا اسپان الەمىنە قىزىققان جاستار استرونوميا سالاسىمەن 2015 جىلدان باستاپ اينالىسىپ كەلەدى.
فاريدا بىقاي,
«ەگەمەن قازاقستان»
پاۆلودار
سۋرەت وقۋشىلار سارايىنان جىبەرىلدى
