18 قازان، 2011

مول استىقتى ساقتاۋ دا، ساتۋ دا وزەكتى

207 رەت كورسەتىلدى
قوستانايلىق ديقاندار اس­تىق­تى القاپتىڭ 95 پايىزىن جيناپ، قامباعا قۇيدى. جاۋىن-شا­شى­­ننىڭ سالدارىنان  وڭتۇستىك اۋدانداردا  دالا كەمەلەرى  قايى­ر­­لاپ تۇرىپ قالعان  كۇندەر دە  بولدى. ديقاندار سوڭعى اپتا­دا­عى قازان شۋاقتىڭ قۇرعاق كۇن­دە­رىن بارىنشا پايدالانىپ قالۋعا تى­رى­سۋدا.  بيىل قوستاناي ءوڭىرى تاري­حىندا بولماعان استىق شىق­تى. قازىرگە دەيىن ديقاندار 7 ميلليون 600 مىڭ توننا استىقتى قامباعا قۇيىپ الدى.  وبلىستىڭ  سولتۇستىك اۋداندارى تۇگىلى، ءشو­لەيتتى وڭتۇستىك اۋداندارىنىڭ ءوزىن­دە  گەكتار اينالىمى 17،1 تسەنت­نەردەن كەلدى. تاران، امانگەلدى سياقتى  اۋداندار  مۇنداي استىقتى  بۇرىن جيناپ  كور­مە­گەن. ال اتى رەسپۋبليكاعا بەلگىلى عالىم-اگرونوم ۆالەنتين دۆۋ­رە­چەنسكيدىڭ  شارۋاشىلىعىندا  گەك­تارىنان 36،4 تسەنتنەردەن بيداي جينالدى.  مۇنداي  كورسەتكىش وب­لىس قانا ەمەس، رەسپۋبليكا اۋما­عىن­دا  بولعان ەمەس. ۆالەنتين يۆا­­نو­ۆيچ بيىلعى اسا مول  اس­تىقتى  تابيعاتتىڭ  بەرگەن ىرىسى دەي وتىرىپ، وعان  ىلعال ساقتاۋ  تەحنولوگياسى ارقىلى  قول جەتكەنىن ايتادى. – وبلىس ديقاندارى وسى تەح­نو­لو­گيانى قولعا العالى قامبا  ءدان­سىز قالعان ەمەس.  2000-شى جىل­دان بەرى گەكتار اينالىمى جىل سايىن جوعارىلاپ وتىرعان ەكەن. ءتىپتى، وتكەن ەكى جىل قا­تارىنان  قۋاڭ­شى­لىق بولعاندا  دا ديقاندار ورتاشا ءونىم جي­نا­دى، – دەيدى ۆالەنتين دۆۋرەچەنسكي. – وتكەن جىلى  مەملەكەتكە استىق تاپسىرۋدا  جوسپارىن ور­ىن­داعان جالعىز قوستاناي وبلىسى بولدى، – دەدى  جاقىندا  كەڭەي­تىل­گەن اكتيۆ ماجىلىسىندە وبلىس اكىمى سەرگەي كۋلاگين. ال بيىلعى مول استىق مەملەكەتكە دە، سىرتقا   ساتۋعا دا جەتىپ ار­تىلادى. قازىر  ديقانداردى اس­تىقتى ساتۋدان بۇرىن ونى ساقتاۋ ماسەلەسى الاڭداتىپ وتىر.  وب­لىستاعى  ەلەۆاتورلاردىڭ 81 پايى­زى استىققا اۋزى-مۇرنىنان شى­عىپ تولىپ تۇر. وبلىس اكىمى  سەرگەي كۋلاگين  استىق قابىلداۋ پۋنكتتەرى قانشا تولىق بولسا دا  ال­قاپتا  ىلعال استىق قالماسىن، قايت­كەندە دە تىعىرىقتان شى­عاتىن جول تابۋ كەرەكتىگىن ايتتى. سول ءۇشىن دە ەلەۆاتورلارداعى كەپكەن استىقتى  ىلعال استىقپەن اۋىس­تىرىپ وتىرسا دا، ءبىر لاجىن قاراستىرۋدى اۋدان اكىمدەرىنە  جۇكتەدى. جىلدا وسىنداي استىق جيناۋ كەزىندە  تەمىرجولدا ونى  تاسى­مال­دايتىن ۆاگون تاپشىلىعى بىلىنەدى. بيىل دا سولاي. بىراق قوس­تاناي تەمىرجولى بولىمشەسىنىڭ باستىعى ەرمەك تەمىرباەۆ وبلىستا بۇل جونىندەگى  جاعدايدىڭ  وڭال­عانىن ايتتى. جان-جاقتى ءجۇر­گىزىلگەن كەلىسسوزدەر ناتيجەسىندە جاقىن  كۇندەرى وبلىسقا  335 ۆاگون جەتكىزىلەدى. قازىردىڭ وزىندە قوستاناي استىعى شەتەلدەرگە جول تارتتى.  بۇگىنگە دەيىن  سىرت­قا 250 مىڭ توننا استىق  تيەلدى، سونىڭ 66 مىڭ تونناسىن ازىق-ت ۇلىك كەلىسىم-شارت كورپورا­تسيا­سى ساتىپ الدى. مەملەكەت قار­جىسىنا ساتىپ الىناتىن اس­تىققا كۆوتا بەلگىلەنگەن بولا­تىن. سوندىقتان قوستاناي دي­قاندارى ءۇشىن  بيداي ساتۋ ازىرگە  وزەكتى بولىپ قالا بەرەتىن ءتۇرى بار.  بۇگىندە رىنوكتا ونىڭ تون­ناسىنىڭ باعاسى 12-15 مىڭنان اسپاي تۇر.  سەرگەي كۋلاگين  اۋدان اكىمدەرىنە  بيدايدىڭ  تون­ناسى قانشا تۇرسا دا،  600 گرامدىق اق بولكەنىڭ باعاسى 40 تەڭگەدەن اسپايتىنىن تاعى دا ەسكەرتتى. بيىل ناۋقاننىڭ  اياعىنا دەيىن قامباعا قۇياتىن استىق 8 ميلليون تونناعا جەتەرىنە قوس­تانايلىقتار سەنىممەن قارايدى. بۇل ەندى مەرەكەلى جىلى  تا­بي­عاتتىڭ بەرگەن ەرەكشە بەرەكەسى  بولدى. ءنازيرا جارىمبەتوۆا، قوستاناي.
سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار