كورەيالىق كومپانيا جاڭا يننوۆاتسيالىق شەشىمدەر ۇسىنۋدىڭ ورنىنا 2016 جىلى شىققان Galaxy S8 سمارتفونىنىڭ ءسال وزگەشە ۇلگىسىن ۇسىنىپ وتىر. قالىپتاسقان ءداستۇر بويىنشا Samsung رەليزدى نيۋ-يورك قالاسىندا وتكىزدى.
كورسەتىلىم باسىندا Samsung ستاتيستيكالىق مالىمەتتەر ۇسىنىپ, كورەيالىق كومپانيانىڭ جاعدايى امەريكالىق باسەكەلەسىنەن الدەقايدا جاقسى ەكەنىن جەتكىزدى. شارانىڭ حالىققا بەرەر جاڭالىعى بولمادى دەسە دە بولادى. سەبەبى تەلەفون تۋرالى بارلىق اقپارات عالامتوردا تاراپ كەتكەن ەدى.
Galaxy S8-ءدىڭ «اعاسى» Note8 دە راماسىز. ەرەكشەلىگى تەك كولەمىندە: ەكران دياگونالى 6,3 ديۋيم, ال يىلگەن ديسپلەيدىڭ ارا قاتىناسى 18,5:9. سمارتفون 8 ميلليمەترگە ۇزارىپ, ءبىر ميلليمەترگە كەڭەيگەن. قۇراستىرۋشىلاردىڭ ايتۋىنشا, تەلەفون الاقانعا وتە ىڭعايلى. بىراق, ءىس جۇزىندە Note 8 وتە ۇلكەن, جانە ونداي تەلەفوندى ءبىر قولمەن قولدانۋ وڭاي ەمەس, دەيدى «لەنتا.رۋ» ءتىلشىسى ۆلاد ماسسينو.
تەلەفوننىڭ سىرت كەلبەتى S8-گە ۇقسايدى, ال كورپۋسى اينەك پەن مەتاللدان جاسالعان. ءبىر جاعىمدى تۇسى سمارتفون IP68 ستاندارتى بويىنشا سۋ مەن شاڭنان ساقتالعان. بەتكى پانەلىندە ەشقانداي باتىرمالار جوق. سوندىقتان بولار, ەكى تەلەفوننىڭ (S8-بەن Note 8) ءبىر بىرىنەن وزگەشەلىگى كوزگە بىردەن كورىنبەيدى.
Samsung كامەرا جانىندا ورنالاسقان ساۋساق ءىزىن سكانەرلەيتىن قۇرىلعىنى ورنىندا قالدىرىپتى. تەلەفوننىڭ كولەمى ۇلعايعان سوڭ, الگى باتىرماعا جەتۋ قيىن. Bixby دىبىس كومەكشىسىن شاقىرتۋ باتىرماسى تەلەفوننىڭ سول جاعىندا «دىبىس» باتىرماسىنىڭ استىندا ورنالاسقان.
اككۋمۋلياتوردىڭ كولەمى 3300 ميلليامپەر-ساعات. تەلەفونمەن قوسا سىمسىز قۋاتتاعىش, جىلدام قۋاتتاعىش جانە ەنەرگيا ۇنەمدەۋ رەجيمى بار.
باستى جاڭاشىلدىق – قوس كامەرا. بۇل كامەرا وتكەن كوكتەمدە S8 مودەلىندە كۇتىلگەن ەدى. ەكى ءمودۋلدىڭ iPhone 7 Plus سەكىلدى 12 مەگاپيكسەلدى ساپاسى بار. سونىمەن قاتار Samsung iPhone-نىڭ فوندى ب ۇلىڭعىرلاۋ فۋنكتسياسىنا دەيىن كوشىرىپ العان. ءبىر ەرەكشەلىگى, Note 8 سۋرەتتىڭ ەكى نۇسقاسىن ساقتايدى. بىرەۋى قاراپايىم سۋرەت بولسا, ەكىنشىسىن ب ۇلىڭعىر فونمەن.
سمارتفوننىڭ ساتىلىمى قىركۇيەك ايىنىڭ ورتاسىندا باستالادى. قۇنى شامامtن 350-400 مىڭ تەڭگەدەي. Galaxy Note 8 ءتورت ءتۇستى: قارا, كوك, كۇمىس جانە التىن.
جاڭا تەلەفوننىڭ S8-دەن ايىرماشىلىعى قانداي دەگەن سۇراققا جۋرناليستەر ناقتى جاۋاپ الا المادى. Note 8-ءدىڭ جەدەل جادىسى ۇلكەنىرەك, قوس كامەراسى مەن ستيلۋسى بار. بىراق سىرت كوزگە بۇل ۇلكەن اسەر قالدىرمايدى.
بۇنداي ۇلكەن تەلەفونداردىڭ قاجەتتىلىگىن ءالى ەشكىم ءتۇسىندىرىپ بەرە المادى. ولار فۋتۋريستىك كينوداداعىداي كورىنگەنىمەن, قولدا ۇستاۋعا ىڭعايسىز. سول سەبەپتى قازىرگى ۋاقىتتا راماسىز تەلەفونداردىڭ ىشىندە ۇزدىگى دەپ دياگونالى 5,8 ديۋيم Samsung S8 ايتۋعا بولادى.
امەريكانىڭ The Verge سايتى نيۋ-يوركتە وتكەن جاڭا تەلەفوننىڭ كورسەتىلىمىنەن بەينە روليك جاريالادى:
ايگۇل شەرنياز,
«ەگەمەن قازاقستان»
