جاڭا وقۋ جىلىنىڭ قارساڭىندا ارال, قازالى اۋداندارىندا بىرنەشە ماڭىزدى الەۋمەتتىك نىسانداردىڭ سالتاناتتى اشىلۋى ءوتتى. وعان قىزىلوردا وبلىسى اكىمىنىڭ ورىنباسارى رۋسلان رۇستەموۆ قاتىستى.
ول الدىمەن ارال اۋدانى امانوتكەل اۋىلدىق وكرۋگى اققۇلاق ەلدى مەكەنىندەگى جاڭا مەكتەپتىڭ, بۇدان بولەك جاڭا بالاباقشانىڭ اشىلۋىنا قاتىستى.
سودان سوڭ وبلىس اكىمىنىڭ ورىنباسارى رۋسلان رۇستەموۆ اقجونا اۋىلدىق وكرۋگى مايداكول اۋىلىنداعى جاڭا №98 ورتا مەكتەپتىڭ اشىلۋىنا قاتىستى. جاڭا عيمارات ەكى قاباتتان, ەكى بلوكتان تۇرادى. وندا وقۋ بولمەلەرى, سپورت زال, مەديتسينالىق بولمە, شارۋاشىلىق بولمەلەرى, اكىمشىلىك, مۇعالىمدەر بولمەسى, گاردەروب, 80 ورىندىق اسحانا, 120 ورىندىق ءماجىلىس زالى جالپىعا جانە مۇگەدەكتەرگە ارنالعان اجەتحانا, جۋىناتىن بولمەلەرى قاراستىرىلعان.
شارا بارىسىندا اقجونا اۋىلدىق وكرۋگىنىڭ ايەلدەر كەڭەسىنىڭ ءتورايىمى, مەكتەپتىڭ بۇرىنعى ديرەكتورى, ارداگەر-ۇستاز كۇلاش سۇلتانقىزى لەكەر اۋىل تۇرعىندارى اتىنان العىس ءبىلدىردى.
- ەلباسىمىز نۇرسۇلتان ءابىش ۇلى نازارباەۆ الدىمىزعا 2020 جىلعا دەيىن ورىندالۋعا ءتيىستى باستى 3 مىندەت قويعان بولاتىن: ءۇش اۋىسىمدىق جانە اپاتتىق مەكتەپتەردى جويۋ مەن 3-6 جاستاعى بۇلدىرشىندەردى بالاباقشامەن قامتۋ. الدىمەن, ءۇش اۋىسىمدىق مەكتەپتەردى تۇبەگەيلى جويۋعا قول جەتكىزدىك. سودان سوڭ, وزدەرىڭىز بىلەتىندەي, وبلىس بويىنشا 3-6 جاس ارالىعىنداعى بۇلدىرشىندەردى مەكتەپكە دەيىنگى تاربيەمەن قامتاماسىز ەتۋدى مەرزىمىنەن بۇرىن 100 پايىزعا ورىندادىق. مۇندا مەملەكەتتىك-جەكە ارىپتەستىكتى دامىتۋدىڭ ۇلەسى باسىم ەكەنىن ايتۋ كەرەك,- دەدى ر.رۇستەموۆ.
وسى كۇنى قازالى اۋدانىندا دا 2017-2018 وقۋ جىلى قارساڭىندا بىرقاتار الەۋمەتتىك نىساندار پايدالانۋعا بەرىلدى. ايتەكە بي كەنتىندەگى №216 ورتا مەكتەپكە قوسىمشا قۇرىلىس جۇمىستارى جۇرگىزىلىپ, ەل يگىلىگىنە پايدالانۋعا بەرىلدى. مەكتەپ اۋلاسىندا ديزەلدى ەلەكتروستانتسيا, سپورتزال, اسحانا, شەبەرحانا ورنالاستىرىلدى.
قازالى اۋدانى شاكەن اۋىلدىق وكرۋگى ءشيلى اۋىلىنداعى №259 نەگىزگى مەكتەپتىڭ اشىلدى. عيمارات ەكى قاباتتان تۇرادى. وندا وقۋ بولمەلەرى, مۇعالىمدەر بولمەسى, مەديتسينالىق بولمە, شەبەرحانا, مۋلتيمەديا جانە لينگافون كابينەتتەرى, شارۋاشىلىق بولمەلەرى, گاردەروب, 32 ورىندىق اسحانا, 40 ورىندىق اكت زالى, جالپىعا ارنالعان اجەتحانا, جۋىن بولمەلەرى قاراستىرىلعان.
شارا بارىسىندا اۋىل ارداگەرلەرى تۇرعىندار اتىنان ايماق باسشىلىعىنا كەلەشەك ۇرپاق يگىلىگى ءۇشىن اتقارىپ جاتقان جۇيەلى جۇمىستارعا العىستارىن ءبىلدىردى.
ەستەرىڭىزگە سالا كەتەيىك, قىزىلوردا وبلىسىندا ءۇش اۋىسىمدىق ءبىلىم بەرۋ جۇيەسى جويىلىپ, 3 پەن 6 جاس ارالىعىنداعى بالالاردى بالاباقشامەن قامتۋ ماسەلەسى شەشىلدى. جىل سوڭىنا دەيىن اپاتتى جاعدايداعى مەكتەپتەر سانىن تولىقتاي شەشۋ جوسپارلانىپ وتىر.
