«پاراساتتى پوليتسەي» كونكۋرسى - قىزمەتكەرلەردىڭ مەملەكەتتىك ءتىلدى ءبىلۋ دەڭگەيىن ارتتىرۋعا, كاسىبي شەبەرلىگىن نىعايتۋعا, پاتريوتتىق رۋحتا تاربيەلەۋگە جانە تاڭداعان ماماندىعىنا دەگەن ماقتانىش سەزىمىن قالىپتاستىرۋعا باعىتتالعان جىل سايىنعى ءداستۇرلى ءىس-شارا.
كونكۋرسقا وبلىستارداعى ىشكى ىستەر دەپارتامەنتتەرىنەن, رەسپۋبليكالىق ماڭىزى بار قالالاردان, قر ءىىم-ءنىڭ 3 جوعارى وقۋ ورنىنان 19 كوماندا قاتىسۋدا.
كونكۋرستىڭ سالتاناتتى اشىلۋىنا قر ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋباەۆ, قر ءىىم كادر جۇمىسى جونىندەگى دەپارتامەنتى باستىعىنىڭ ورىنباسارى, پوليتسيا پولكوۆنيگى رۋسلان قۇرىمباەۆ, سقو اكىمىنىڭ ءبىرىنشى ورىنباسارى ايداربەك ساپاروۆ, سونداي-اق, بارلىق وبلىستارداعى ىشكى ىستەر دەپارتامەنتتەرىنىڭ باسشىلىعى مەن ءباسپاسوز حاتشىلارى قاتىستى.
كونكۋرس ءۇش كەزەڭنەن تۇرادى. ءبىرىنشى كەزەڭدە كوماندالار ىشكى ىستەر ورگاندارىنىڭ 25 جىلدا جەتكەن جەتىستىكتەرىن, وڭ ءيميدجدى, قىزمەت مارتەبەسى مەن ەرەكشەلىكتەرىن, كاسىبي قىزمەتتە قازاق ءتىلىنىڭ قولدانىلۋىن كورسەتىپ, ءوز كوماندالارىن تانىستىرادى.
