ەكىنشى كەزەڭدەگى ءبىر جارىم ايدا (2017ج. 15 شىلدە - 20 تامىز) حالىقتان 1 ملن 754 مىڭ 126 شىنى بوتەلكە قابىلداندى.
اتالعان باستامانى ەنگىزۋ ناتيجەسىندە شىنى بوتەلكە جيناۋشى كومپانيالارعا قولداۋ كورسەتىلسە, ەكىنشى كەزەڭ اياسىندا حالىقتى شىنى بوتەلكە وتكىزۋگە ىنتالاندىرۋ بولدى. جوبانىڭ ناتيجەسىندە حالىققا شىنى بوتەلكەنى وتكىزۋ پايدالى بولىپ وتىر. قازىر قابىلداۋ بەكەتتەرىندە ءبىر شىنى بوتەلكەنى 8-دەن 15 تەڭگەگە دەيىن وتكىزۋگە بولادى. قالا شەتىندە تۇراتىندار ءۇشىن بوتەلكە قابىلداۋشى كومپانيالار ارنايى جىلدىمالى بەكەت قىزمەتىن ىسكە قوسقان. جينالعان شىنى ىدىستار الكوگولدى جانە الكوگولدى ەمەس سۋسىندار شىعاراتىن وندىرۋشىگە جەتكىزىلىپ, بوتەلكەلەر قايتا پايدالانىلادى.
اتالعان پيلوتتىق جوبا قازاقستانداعى قايتا پايدالانۋعا كەلەتىن شىنى نارىعىن دامىتۋ ماقساتىندا ەنگىزىلىپ وتىر. جىل سايىن ەلىمىزدە 340 مىڭ توننا شىنى بوتەلكە شىعادى. سونىڭ 30 مىڭ تونناسى عانا سىنىق قالدىق رەتىندە قايتا وڭدەلەدى. قالعان 270 -290 مىڭ تونناعا جۋىق كولەمدەگى شىنى ىدىس قوقىس پولينوگوندارىنا تاستالادى. وكم وپەراتورىنىڭ پيلوتتىق جوباسى شىنى ىدىستاردى قايتا پايدالانۋدى ىنتالاندىرۋعا باعىتتالىپ وتىر.
قولدانىستاعى شىنى ىدىستى قايتا پايدالانۋدىڭ نەگىزگى باسىمدىلىقتارىنا توقتالساق:
قوقىس پوليگوندارىنىڭ ۇلعايۋ كولەمىن قىسقارتادى.
قورشاعان ورتاعا سالماق سالماي, شيكىزاتتى از پايدالانۋ. مىسالى, ءبىر توننا بوتەلكەنى (2 860 دانا) شىعارۋعا 1,2 توننا تابيعي شيكىزات (سونىڭ ىشىنە 0,59 توننا كۆارتس قۇمى, 0.172 توننا اكتاس, 0,186 توننا سودى جانە 0,072 توننا دالا شپاتى) كەتەدى. سونىمەن قاتار ساعاتىنا 4 مۆت ەلەكتر ەنەرگياسى جۇمسالادى. بوتەلكەنى جاساپ شىعۋدان قاراعاندا, ونى قايتا پايدالانۋ تابيعي رەسۋستى ۇنەمدەيدى.
جاڭا جۇمىس ورىنى اشىلادى.
قايتا وڭدەۋ سالاسىن دامىتۋعا ينۆەستيتسيا تارتۋعا قىزىعۋشىلىقتى ارتتىرادى.
قازاقستاندا شىنى بوتەلكەلەردى جيناۋ بويىنشا پيلوتتىق جوبانىڭ قورىتىنداسى 2017 جىلدىڭ سوڭىندا جاسالادى.
