الاتاۋ اۋدانىنداعى تەتس-2 ماڭىندا سالىناتىن زاۋىت قۇرىلىسىن «Green Recycle» جشس جۇزەگە اسىرماق. جاڭا زاۋىتتىڭ العاشقى كىرپىشتەرىن قالاۋ راسىمىنە الماتى قالاسى اكىمىنىڭ ورىنباسارى سۇلتانبەك ماكەجانوۆ قاتىستى.
2018 جىلى پايدالانۋعا بەرىلەتىن, جىلىنا 550 مىڭ توننالىق قۋاتپەن جۇمىس ىستەي الاتىن زاۋىتتىڭ قالدىقتار وڭدەۋدەگى وندىرىستىك قۋاتى الماتى قالاسىنىڭ قاجەتتىلىگىن تولىق وتەۋگە مۇمكىندىك بەرەدى دەپ جوسپارلانىپ وتىر. جوبا كاسىپكەرلىكتى قولداۋ كارتاسى مەن «بيزنەستىڭ جول كارتاسى 2020» باعدارلاماسىنىڭ نەگىزىندە جۇزەگە اسىرىلماق.
«Green Recycle» جشس ديرەكتورى دميتري دانيلچەنكونىڭ ايتۋىنشا, سۇرىپتاۋ بارىسىندا قايتا پايدالانۋعا جارامدى پايدالى قۇرامدار ىرىكتەلىپ الىنىپ, زياندى زاتتار مەن بيوىدىراعىش ماتەريالدار پوليگون اۋماعىندا كومىلەتىن بولادى.
الەۋمەتتىك ماڭىزى زور جوبا ينۆەستيتسيا كولەمى 5,3 ملرد تەڭگەنى قۇرايتىن جەكە قارجى ەسەبىنەن ىسكە اسپاق. الدىن الا ەسەپ بويىنشا, قوقىس سۇرىپتاۋ كەشەنىن سالۋعا كەتكەن شىعىن 2025 جىلعا قاراي تولىق وتەلىپ, مەملەكەت بيۋدجەتىنە جىل سايىن 500 ملن-نان استام تەڭگە كولەمىندە اقشا اۋدارىلىپ وتىرماق. سونداي-اق, اتالمىش جوبا 600 جاڭا جۇمىس ورنىن اشۋعا مۇمكىندىك بەرمەك.
«الماتى قالاسىندا 1,5 مىڭنان استام ونەركاسىپتىك كاسىپورىننىڭ جۇمىس ىستەيتىنىن ەسكەرسەك, اتالمىش زاۋىت قۇرىلىسىنىڭ باستالۋى – الماتىداعى ونەركاسىپتىك جانە كوممۋنالدىق قالدىقتاردى باسقارۋعا قاتىستى العاشقى جوبانىڭ جۇزەگە اسا باستاعانىن كورسەتەتىن ماڭىزدى وقيعا دەسەك تە بولادى», – دەپ اتاپ ءوتتى الماتى قالاسى كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى الماس ماديەۆ.
ميرا بايبەك,
«ەگەمەن قازاقستان»
الماتى
