وسىعان وراي بۇگىن اۋىل شارۋاشىلىعى ونىمدەرى تيەلگەن جۇك كولىكتەرى استانا قالاسىنا جولعا شىقتى. بۇل وڭتۇستىك شارۋلارىنىڭ ەكسپو اياسىنداعى 4-ءشى جارمەڭكەسى.
وڭتۇستىك ديقاندارى بۇل جولى قالا قوناقتارى مەن تۇرعىندارىنا قۇنى 171 ملن. تەڭگە بولاتىن 420 توننا ءونىم جەتكىزبەك. ەكسپو كورمەسىندە وتاندىق ونىمدەرىمىز قالا تۇرعىندارى مەن قوناقتارىنا جارمەڭكە تۇرىندە ۇسىنىلعالى وتىر. جالپى وڭتۇستىك قازاقستان وبلىسى حالىقارالىق كورمە اياسىندا 6 رەت جارمەڭكە وتكىزۋدى جوسپارلاپ وتىر.
اتالعان جارمەڭكەگە ديحاندار نەگىزىنەن كوكونىس, جەمىس-جيدەك پەن باقشا داقىلدارىن كوپتەپ جىبەرۋدە. ويتكەنى شىلدەنىڭ شىلىڭگىر ىستىعىندا وسى ونىمدەرگە سۇرانىس وتە جوعارى بولماق. ەكسپو قوناقتارى ءدامى ءتىل ۇيىرەر شاردارانىڭ قاۋىن-قاربىزى, تۇلكىباستىڭ الماسى مەن سارىاعاشتىڭ قىزاناعىنان ءدام تاتادى. ال, جارمەڭكەگە بارعان شارۋالار ونىمدەرىن ساتىپ قانا قويماي, حالىقارالىق شارانى تاماشالاۋعا مۇمكىندىك الادى.
ايتا كەتەيىك, بيىل وبلىستا ەگىس كولەمى 11,4 مىڭ گەكتارعا ارتىپ, 800,2 مىڭ گەكتاردى قۇراپ وتىر. ونىڭ ىشىندە كوكونىس 35,3 مىڭ گەكتار, كارتوپ – 13,3 مىڭ گەكتار, باقشا داقىلدارى 57 مىڭ گەكتارعا ەگىلگەن.
تابيعاتتىڭ قولايلىعىنا بايلانىستى بيىل ءوڭىر شارۋالارى مول ءونىم الۋدا. ماسەلەن بۇگىنگى كۇنگە وبلىس بويىنشا 576,7 مىڭ توننا كوكونىس, 325,2 مىڭ توننا باقشا داقىلدارى مەن 105,5 مىڭ توننا كارتوپ جينالعان. جينالعان ونىمدەر ەلىمىزدىڭ وزگە وبلىستارىمەن قاتار الىس-جاقىن شەت ەلدەرگە ەكسپورتتالۋدا.
