يراكتىڭ سەنىمدى وكىلى ءوزىنىڭ كىرىسپە سوزىندە موسۋل قالاسىن ازات ەتۋدىڭ ماڭىزدىلىعىنا توقتالدى.
ء«بىز بۇكىل الەم حالىقتارى اتىنان كۇرەسىپ, ەلدىڭ تىنىشتىعىنا قاۋىپ توندىرگەن اسا قاۋىپتى تەرروريستىك توپتىڭ كوزىن جويدىق. «يسلام مەملەكەتى» دەپ ايدار تاققان سودىرلاردىڭ تامىرىنا بالتا شاپتىق. ءبىزدىڭ ورەندەرىمىز شاھاردى ازات ەتۋ جولىندا ءوز ومىرلەرىن قيىپ, يراكتىڭ تاريحى مول, وركەنيەتتى ەل ەكەنىن دالەلدەدى. بۇل – ءبىزدىڭ عانا ەمەس, بۇكىل ادامزاتتىڭ جەڭىسى», – دەيدى يۋنۋس ساليم.
يراكتىڭ قازاقستانداعى سەنىمدى وكىلىنىڭ ايتۋىنشا, ازات ەتۋ وپەراتسياسى كەزىندە ەڭ اۋەلى سودىرلار ءتىرى قالقان رەتىندە قولدانعان ازاماتتاردىڭ قاۋىپسىزدىگى ەسكەرىلگەن. سونداي-اق, يۋنۋس ساليم بوساتۋ شاراسى كەزىندە وداقتاس ەلدەردىڭ دە ماڭىزدى ءرول ويناعانىن ايتا كەتتى. ونىڭ پىكىرىنشە, يراكتاعى ۇلكەندىگى ءھام ماڭىزدىلىعى جونىنەن ەكىنشى ورىندا تۇراتىن شاھاردى تەرروريستەردەن تارتىپ الۋ – يليم-ءنىڭ ءبىرجولا جويىلعانىنىڭ ايعاعى.
ايتسە دە, يراك اسكەرى سودىرلاردىڭ شاھارداعى كونە جادىگەرلەردى قيراتۋىنا توقتاۋ سالا العان جوق. ماسەلەن, سودىرلار XII عاسىردا سالىنعان ءان-نۋري مەشىتىن تالقانداپ كەتتى. يۋنۋس ساليم موسۋلدا قيراعان تاريحي نىسانداردىڭ كوپ ەكەنىن, ونى قايتا قالپىنا كەلتىرۋ ءۇشىن يراك حالقى بارىن سالاتىنىن مالىمدەدى.
«Qadimun Ya Nayawa» دەپ اتالاتىن موسۋلدى بوساتۋ وپەراتسياسى 9 اي بۇرىن باستالعان ەدى. اتالعان اسكەري قيمىلعا يراك اسكەرى, انتيتەررورلىق كۇشتەر, فەدەرالدى پوليتسيا, حالىقتىق ەرىكتىلەر سەكىلدى ءتۇرلى قارۋلى كۇشتەر قاتىستى. وسى مەرزىم ارالىعىندا كواليتسيا كومەگىمەن يراك قارۋلى كۇشتەرى 16 مىڭنان استام سودىردىڭ كوزىن جويعان. سونداي-اق, 70-كە جۋىق جارىلعىش كولىك پەن 6 مىڭنان استام جارىلعىش زات زالالسىزداندىرىلعان بولاتىن. ەستەرىڭىزدە بولسا, دايش سودىرلارى موسۋل قالاسىن 2014 جىلدىڭ ورتاسىنا تامان باسىپ الىپ, «يسلام مەملەكەتىنىڭ» قۇرىلعانىن جاريالاعان-دى.
فوتو:reuters.com
اباي اسانكەلدى ۇلى,
«ەگەمەن قازاقستان»
