بىرلەسكەن جوبادان – بىرەگەي زاۋىتقا

قازاقستانداعى بيزنەستىڭ دامۋىنا جاسالىپ جاتقان قولايلى جاع­داي شەتەل ينۆەستورلارىن ەلى­مىزدە جوعارى تەxنولوگيالىق زامان­اۋي كاسىپورىنداردىڭ قۇرىلى­سىنا قارجى قۇيۋعا دەگەن قىزىعۋ­شى­لىعىن وياتۋدا. سونىڭ ءبىر دالەلى – «Seven Refractories Asia» زاۋى­تىنىڭ ىسكە قوسىلۋى. ينۆەستي­تسيا­نىڭ جالپى سوماسى 1,9 ملرد تەڭگەنى قۇراپ وتىر. ايتۋلى جوبانىڭ اشىلۋ سالتاناتىنا ايماق باسشىسى ەر­لان قوشانوۆ ارنايى قاتىستى.

–  بۇل زاۋىتتىڭ اشىلۋى – ەلباسى تاپسىرمالارى ورىن­دالۋىنىڭ تاعى ءبىر كورىنىسى. ماتە­ريالدىڭ بۇل ءتۇرىن وندىرەتىن زاۋىت­تىڭ قازاقستاندا بالاماسى جوق.  سوندىقتان, ەلى­مىز­دەگى جۇيە قۇراۋشى «قازاق­مىس», «ارسەلور­ميتتال تەمىر­تاۋ», «كازتسينك» سىندى ءىرى كاسىپ­ورىن­داردىڭ وتقا ءتوزىمدى ماتەريالدارعا دەگەن سۇ­رانىسى وتە جوعارى. بۇعان دەيىن اتال­عان كاسىپورىندار بۇل ماتەريال­داردى شەتەلدەن ساتىپ الىپ كەل­سە, ەندى, قاراعاندىدا ورنالاس­قان زاۋىتتان الاتىن بولادى. ءوز كەزەگىمدە, بۇل زاۋىتتىڭ بوي كوتەرۋىنە بىردەن-ءبىر سەبەپ بولعان «Seven Refractories Asia» زاۋىتى­نىڭ پرەزيدەنتى ەريك زوبەتسكە العى­سىمدى بىلدىرگىم كەلەدى, – دەدى ەر­لان قوشانوۆ.

ءسويتىپ, شارا بارىسىندا «Seven Refractories Asia» كومپانياسى «ار­سە­لورميتتال تەمىرتاۋ» اق-پەن جانە «قازاقمىس» كورپوراتسياسى» جشس-مەن وتقا ءتوزىمدى ماتەريالدارمەن قامتاماسىز ەتۋ بويىنشا بىرلەسە جۇمىس جاساۋ تۋرالى مەموراندۋمعا قول قويدى.

جىلىنا 45 مىڭ توننا ءونىم وندىرۋگە قاۋقارلى «Seven Refractories Asia» زاۋىتىنىڭ قۇرىلىسى 2015 جىلى باستالدى. ءونىم نەگىزىنەن قارا, ءتۇرلى-ءتۇستى مەتال­لۋرگيا, تسەمەنت ءوندىرۋ, مۇناي جانە مۇناي-گاز ونەركاسىپتەرىندە قولد­ا­نىلادى. ال, زاۋىتتىڭ قارا­عاندىدا ىرگە قالاۋىنىڭ سەبەبى – مۇندا ءىرى «ارسەلورميتتال تەمىر­تاۋ» اق ورنالاسقان جانە رەسەيدەگى زاۋىتتاردان دا قاشىق ەمەس. ەڭ باس­تىسى, وتقا ءتوزىمدى ماتەريالداردى وندىرۋگە قاجەتتى شيكىزات كوزدەرى بار قىتاي ەلىنەن الشاق تا ەمەسپىز, – دەدى «Seven Refractories Asia» جشس-ءنىڭ باس ديرەكتورى ماكسيم گلازۋنوۆ.

جاڭا زاۋىت سلوۆەنيادا جا­سال­عان زاماناۋي قۇرالدارمەن جاب­دىق­تالعان. قازىرگى تاڭدا كاسىپ­ورىندا 51 جۇمىس ورنى­ اشىل­عان, ال­­داعى ۋاقىتتا قىزمەتكەرلەر سانى ۇل­عايتىلادى. زاۋىت ءونىمى الەمدىك ستاندارتتارعا ساي.

كاسىپورىننىڭ اشىلۋ سالتا­نا­تىندا زاۋىتتىڭ باس ديرەكتورى جانە «قازاقمىس» پەن «ارسەلورميتتال تەمىر­تاۋ» كومپانيالارى وكىلدەرى ارا­سىندا مەموراندۋمعا قول قويىل­دى.

جالپى, «Seven Refractories» حولدينگىنىڭ 30 جىلدان استام جۇمىس تاجىريبەسى بار جانە ول زاماناۋي وتقا شىدامدى ماتەريالدار كەڭ سپەكترىن شىعارادى. كومپانيانىڭ حالىقارالىق بولىمشەلەرى سلوۆەنيا, گەرمانيا, اۆستريا, يتا­ليا, ۋكراينا, رەسەي جانە قازاق­ستاندا اشىلعان.

ميراس اسان,
«ەگەمەن قازاقستان»

قاراعاندى وبلىسى