قازاقستان ءىىم اكىمشىلىك پوليتسيا كوميتەتى جول قوزعالىسىن قامتاماسىز ەتۋ سالاسىن ۇيلەستىرۋ ءبولىمىنىڭ باسشىسى نۇرسەيىت ابىشەۆتىڭ ايتۋىنشا اكىمشىلىك قۇقىق بۇزۋشىلىق تۋرالى كودەكسكە كولىك قۇرالىن ماساڭ كۇيدە باسقارعانى ءۇشىن مۇگەدەكتەردى كولiك قۇرالدارىن باسقارۋ قۇقىعىنان 3 جىلعا ايىرۋ تۇرىندەگى اكىمشىلىك جاۋاپكەرشىلىك ەنگىزىلگەن. «سونىمەن قاتار, جول بەلگiلەرiمەن نەمەسە جولدىڭ ءجۇرۋ بولiگiندەگi تاڭبالارمەن كورسەتiلگەن تالاپتاردى ساقتاماعانى ءۇشىن ايىپپۇل مولشەرى 5-تەن 3 ايلىق ەسەپتىك كورسەتكىشكە قىسقارتىلدى. سونداي-اق, ماساڭ كۇيىن كۋالاندىرۋدان وتۋدەن باس تارتقان ءۇشىن جۇرگىزۋشى كۋالىگىنەن ايىرۋ مەرزىمى 2 جىلدان 3 جىلعا دەيىن كوبەيتىلدى, ىشكى ىستەر ورگاندارىنىڭ, اسكەري پوليتسيانىڭ قىزمەتكەرى توقتاتقان جاعدايدا ونىڭ رۇقساتىنسىز جولاۋشى كولىك قۇرالىن تاستاپ كەتكەن ءۇشىن جاۋاپكەرشىلىككە تارتىلۋ الىنىپ تاستالىندى», – دەدى ن.ابىشەۆ.
بۇدان بولەك, نۇرسەيىت ابىشەۆ «جول ءجۇرىسى تۋرالى» زاڭدا تۇنگى ۋاقىتتا, ياعني ساعات 23-تەن تاڭعى 06 ساعاتقا دەيىن قالاارالىق, اۋدانارالىق قاتىناستاردا اۆتوبۋستارمەن جولاۋشىلاردى ۇدايى تاسىمالداۋعا تىيىم سالۋ الىنىپ تاستالىنعانىن جەتكىزدى. «اكىمشىلىك كەدەرگىلەردى تومەندەتۋ ماقساتىندا جۇرگىزۋشى كۋالىگىنىڭ مەرزىمى ءوتىپ كەتكەن جاعدايدا جۇرگىزۋشى كۋالىگىن ايىرباستاۋ كەزىندە جول ءجۇرىسى قاعيدالارى تۋرالى قايتا ەمتيحان تاپسىرۋ جونىندەگى مىندەتتىلىك الىنىپ تاستالىندى. سونداي-اق, جاياۋ جۇرگىنشىلەر وتكەلىنەن ۆەلوسيپەدتى ايداپ جۇرۋگە تىيىم سالىندى». ول اتالعان زاڭنىڭ ەرەجەلەرى 2017 جىلدىڭ 15 شىلدەسىنەن باستاپ قولدانىسقا ەنگىزىلدى.
راۋان قايدار,
«ەگەمەن قازاقستان»
