كەزدەسۋ بارىسىندا تاراپتار قازاقستان مەن چەحيانىڭ دوستىعى مەن ارىپتەستىگىن, ءوزارا تىعىز بايلانىسىن اتاپ ءوتتى.
ءوز كەزەگىندە ءماجىلىس ۆيتسە-سپيكەرى ەكى مەملەكەت باسشىلارىنىڭ ارقاسىندا ورناتىلعان جوعارى دەڭگەيلى ۇنقاتىسۋدى ودان ءارى جالعاستىرۋ قازاقستان جانە چەحيا پارلامەنتشىلەرىنىڭ مىندەتى ەكەنىن جەتكىزدى. وسى ورايدا گ.يسيمباەۆا مەن ۆ.فيليپ پارلامەنتارالىق بايلانىستاردى نىعايتۋ قاجەتتىگىنە توقتالدى.
چەحيا پارلامەنتى دەپۋتاتتارى پالاتاسىنىڭ ۆيتسە-سپيكەرى وڭىرارالىق بايلانىستاردى دامىتۋدىڭ ماڭىزدىلىعىنا نازار اۋداردى. چەحيا وكىلىنىڭ سوزىنە قاراعاندا, ىنتىماقتاستىقتى نىعايتۋدا وڭىرارالىق بايلانىستاردى جانداندىرۋعا بارىنشا كوڭىل ءبولۋ قاجەت. بۇل تۇرعىدا گ.يسيمباەۆا تىكەلەي ەكونوميكالىق ىنتىماقتاستىقتىڭ تيىمدىلىگىن ايتا كەلىپ, بۇگىندە قازاقستاننىڭ بەس ايماعى چەحيانىڭ وڭىرلەرىمەن قارىم-قاتىناس ورناتىپ وتىرعانىن ءسوز ەتتى.
سۇحباتتاسۋشىلاردىڭ پىكىرىنشە, ەكى ەلدىڭ دەنساۋلىق ساقتاۋ, عىلىم مەن ءبىلىم سالالارى بويىنشا دا ىنتىماقتاستىعىنىڭ كەلەشەگى زور.
