جەكپە-جەك ەكى بوكسشىنىڭ ءبىر-ءبىرىنىڭ ءالسىز تۇسىن اڭدۋمەن ءوتتى. ەكىنشى راۋندا زاكىر بارىن سالىپ, باسىمدىلىققا يە بولدى. جەكپە-جەكتىڭ سوڭىنا تامان سافيۋلين قارسىلاسىن بەت قاراتقان جوق. زاكىردىڭ تولاسسىز جاۋعان سوققىلارىنان الۆارەس قاشىپ ۇلگەرە المادى. «ارلاننىڭ» ايقىن باسىمدىلىعىن مويىنداعان تورەشىلەر ءبىر اۋىزدان جەڭىستى سافيۋللينگە بەردى.
60 كيلوداعى كەزدەسۋ سىنعا تۇسكەن زاكىر ءۇشىن بۇل ەسە قايتاراتىن جەكپە-جەك بولاتىن. ەستەرىڭىزدە بولسا, ول 2015 جىلعى فينالدا وسى الۆارەسكە ەسە جىبەرگەن-تۇعىن. سوندىقتان شىعار, سافيۋللين كەزدەسۋ باستالا سالا بارىن سالدى. ونىڭ ۇستىنە, بۇل جەكپە-جەكتە زاكىر ۇتىلسا, «كۋبا قابىلاندارى» جەڭىسكە ءبىر تابان جاقىنداي تۇسەتىن ەدى. ەستەرىڭىزگە سالا كەتەيىك, لازارو الۆارەس وليمپيادا ويىندارىنىڭ ەكى دۇركىن قولا جۇلدەگەرى, ءۇش رەت الەم چەمپيونى اتانعان تاجىريبەلى بوكسشى.
دۇنيەجۇزىلىك بوكس سەرياسىنىڭ (WSB) جەتىنشى ماۋسىمداعى فينالدىق جەكپە-جەگى ءدال قازىر استاناداعى «قازاقستان» سپورت كەشەنىندە ءوتىپ جاتىر. ازىرگە 5:4 ەسەبىمەن كۋبالىقتار الدا كەلەدى.
